أمى يا تاج ع الراس
شاعرة الشجن/أحلام سعد
أمى يا تاج ع الراس
أمى يا ست الناس
لو هكتبلك أشعارى
تملا الكراس
حبك مش كلام وخلاص
أغلى من الدهب والماس
يا أم قلب أبيض
بلون الفل والياسمين
على عوده طارح ومزهر
ومين أدك مين
الورد البلدى على خدودك
مالى البساتين
أمى يا تاج ع الراس
أمى يا ست الناس
سهرتى وشيلتى يامه
حمالة آسية وطرحه لى الحنيه
ومصاحبة الصبر طول عمرك
لا يوم بكيتى ولا إشتكيتى
ويتحكى عن صبرك فى المواويل
فرحتى تسعد أيامك
ونجاحى شجرة أحلامك
مش هأدر أوفى جمايلك
ده الجنه تحت أقدامك
أمى يا تاج ع الراس
أمى يا ست الناس
وأخيراً بدعيلك من قلبى
يا خد من عمرى ويديكى
ورعاية المولى تحميكى
ويراضيكى ……
بجنه الخلد يأويكى
أمى يا تاج ع الراس
أمى يا ست الناس
يجب عليك تسجيل الدخول لكتابة تعليق.