أفتكاسات زوج صايم

إلهام وممدوح

الحلقة الثانية

ألهام : حبيبى يلا بقى قوم ألحق صلى العصر المغرب حيأذن خلاص وأنا خلصت الأكل وعملت أحلى كباب حلة حتاكلوا صوابعكم وراه

ممدوح : حقوم أهو أتوضأ وألحق أصلى العصر

بقولك أيه متعمليش السلاطة حعملها أنا وأظبطها

إلهام : ماشى يا حبيبى حسيبهالك

( بصراحة دخلة الرجالة المطبخ بتبهدله حلاقى البقدونس وقشر البصل فى كل حتة يا سلام لو يسبنى أعمل انا السلطة )

ممدوح : حبيبتى أنتى بتكلمينى

إلهام : لا لأ يا حبيبى ده أنا بكلم نفسى فى المطبخ بسلينى هههههه

ممدوح : شفتى السلطة بتاعتى ولا سلطة الشيف الشربينى

ألهام : أه أه يا حبيبى ربنا ما يحرمنا منك ولا من سلاطاتك

( يا لهوى أرضية المطبخ كلها بقدونس وقشر بصل وطماطم أهو ده أللى خدته من عمايلك للسلطة )

ممدوح : بتقولى حاجة يا إلهام

إلهام : لا لأ مبقولش

يلا يا ولاد الإذان حيأذن حد منكم يجى يساعدنى ويحط الرز فى الأطباق ويوزع السلطة أللى عملها بابا

الإذان أذن يلا تعالوا

حلو أوى كباب الحلة يا ماما تسلم إيديكى

إلهام : تسلموا يا حبايبى

ممدوح : والسلطة مفيش تسلم إيديك يا بابا

الولاد :تسلم الايادى يا بابا سلطة تجنن بصراحة

ممدوح : أستنوا بقى أفطر وأوريكم عمايل الشيف شربينى

إلهام : ( اه يانى من أفتكاسات جوزى وعمايله )

 ممدوح : بتقولى حاجة يا حبيبتى

إلهام : لا يا حبيبى ده أنا بكلم نفسى من حلاوة السلطة

أستنونا بكرة ونعرف ممدوح حيفتكس أيه تانى فى المطبخ