أفتاكسات زوج محظور

 

 

إيمان العادلى

 

الحلقة السادسة والعشرون

 

(الجزء الثانى ) أفتاكسات زوج صايم

 

إلهام وممدوح

 

إلهام : جيران مين دول أللى فى الجروب يا سى ممدوح وأللى مش عاوزنى أعلق لهم

 

ممدوح : مفيش دى سوسن أللى فى العمارة أللى قصادنا ومديحة أللى بعدنا بعمارتين و ٠٠٠٠٠

 

إلهام : نعم نعم يا لهوووى سوسن ومديحة ده أنا معرفتش أسمهم ألا منك يا سى ممدوح

كمل كمل وعرفنى على ستات شارعنا

 

ممدوح : فى ايه يا إلهام جيرانا من زمان والحظر عرفنى عليهم يا حبيبتى وأنا بشترى الطلبات من السوق والله ستات عثلات أبقى أتعرفى عليهم

 

إلهام : يا لهوووووووى عاوزة أتطلق بقولك

 

ممدوح : طلاق ايه يا هبلة أنتى وايه اللى جرى

كل ده علشان جروب وحدخلك فيه بس إياكى تعلقى لأى راجل فيه

بقولك اهو ولا هههه ولا اغضبنى ولا أى زفت

أنا حمش وبغير عليكى

 

إلهام : حمش وبتغير عليا يا لهوووى إهئ إهئ وأنت مقضيها جروبات وسايبنى مطحونة فى رمضان وبعدين محى جوز الست أنغام ورفعت جوز الست سوسن وتوفيق جوز مديحة مش غيرانين عليهم ليه فى الجروب

ها

 

ممدوح : الله الله وأنتى تعرفى أسماء البهوات منين وأنتى مش عارفة أسماء مراتتهم يا هانم ده انتى يومك مهبب النهاردة وحخليه أسود من شعرك و ٠٠٠٠٠٠

 

إلهام : أيوووون خدنى فى دوكة علشان متقوليش موقف جوزاتهم

 

ممدوح : ماشى يا إلهام هو وووو

جوزاتهم مش معانا فى الجروب هما بس لكن فى رجالة غريبة فى الجروب

انتى تعرفى أسمائهم منين إنطقى

 

إلهام : أى اى يا حمش بالراحة على إيدى

عرفتهم من السوق برضه يا دوحة

زيك كده بس بالإحترام اه

 

ممدوح: ماشى يا إلهام اصبرى عليا

 

إلهام : ماشى يا حبيبى دخلنى الجروب يلا ولا أقولك هات الفون كده ادخل نفسى وأشوف الجروب

أيه ده يا دوحة عاملى باس ورد للفون

إهئ إهئ يا لهوووى دى محصلتش من يوم ما أتجوزتك

ممدوح طلقنى طلقننننننى

 

بكرة حنكمل ونشوف ممدوح وإلهام والحظر وعمايله

أستنونى