أفتاكسات زوج محظور
(الجزء الثانى )أفتاكسات زوج صايم
إيمان العادلى
الحلقة الثانية و الستون
إلهام و ممدوح
(الجزء الثانى )أفتاكسات زوج صايم
بعد مشاحنات وهبشتكنات وحبة خناقات ويوم جديد بدأ ونشوف و ٠٠٠٠
رهف : ماما يا ماما
إلهام : ايه على الصبح عاوزة ايه
وطى صوتك لأبوكى يصحى وينكد علينا
رهف : عارفة يا ماما جارتنا تانت سوسو أللى فوق فى الدور السابع
إلهام : أه مالها مش دى أللى ضاربة شعرها أوكسحين وهو شبه المقشة كده بالظبط
رهف : ايوة هى دى
لاقيت بابا أمبارح واقف معاها ساعة وبعدين قالتله حتعبك معايا يا أستاذ ممدوح ومستنياك بكرة الساعة 6
إلهام : مستنياه ده أنا حخلى اليوم مطلعتش له شمس
وأنتى يا جزمة قديمة ياللى معرفتش أربيكى إزاى تتجسسى على أبوكى يا كلبة
يلا غورى على أوضتك بلا هم
رهف : إهئ إهئ هو ده جزاتى أنى بنور لك المحكمة
تستاهلى أللى بيعمله فيكى بابا
إلهام : يلا يا كلبة على أوضتك
وبعد شوية وقت و ٠٠٠٠٠
إلهام : شفت جارتنا سوسو عملت إيه
ممدوح : مين سوسو دى
إلهام : سوسو اللى ساكنه معانا فى العمارة
ممدوح : آه ام رامى اللى ساكنة فى الدور السابع
إلهام : أيووة دى أللى شعرها شبه المقشة وضاربة أكسجين فيه
ممدوح : أه عارفها شعرها أصفر وحلوة شوية كده
إلهام :بتقووول إيه
ممدوح : إيه مالها غير انها حلوة وشعرها أصفر
إلهام :عال يا ممدوح بتقول حلوة فى وشى وكمان خدت بالك من شعرها وعامل نفسك متعرفش حد فى العمارة
ممدوح : لا أبداً دا أنا شفتها مرة واحدة بس
إلهام : كل ده من مرة واحدة أمال لومرتين كنت عملت ايه
ممدوح : بقولك إيه يا إلهام أنا مش ناقص جنان على الصبح عاوزة منى إيه الساعة دى
إلهام : كنت واقف معاها ليه ساعة بحالها وإدتك ميعاد النهاردة الساعة 6 تروحلها
ممدوح : نهارك أسود يا إلهام بتتصنطى عليا من ورايا
إلهام : جوزى وبحافظ عليك مش عيب الواحدة تاخد بالها من جوزها
ممدوح : إخرسى يا هانم
بقى بتتصنطى عليا بعد كل السنين دى وتقولى بتحافظى عليا
طيب تعاليلى بقى والله ما سيبك من إيدى
إلهام : أى اى يا دوحة سيب شعرى
ده مش مقشة زيها
اى يا عينى اى اى بالراحة يا دوحة
اى اى حرمت خلاص
يا لهووووووى يا عيال
ألحقونى
يوووة استنونى بكرة
يجب عليك تسجيل الدخول لكتابة تعليق.