أفتاكسات زوج محظور
(الجزء الثانى ) أفتاكسات زوج صايم
إيمان العادلى
الحلقة السادسة والأربعون
(الجزء الثانى ) أفتاكسات زوج صايم
إلهام وممدوح
خالد وأفتكاساته وحبشتكناته
حنقول أيه ما هو أبن ممدوح
و٠٠٠٠
حسام : بسرعة ياعمو لسة البوكس على اول الشارع
ممدوح : يالا بسرعة نلحقه
الهام : رايح فين يا ممدوح غير هدومك الأول يا حبيبى
ممدوح :ربنا يدوخكم زى ما دوختنى أنتى وعيالك
الهام : أنا برضه أللى مدوخاك ماشى يا دوحة مش وقته خالص
أنا هكلم ابن خالتى يلحقنا على هناك
ممدوح : لاء مش عاوز حد وبذات ابن خالتك ده يا هانم
مش قولتلك ماتكلميش ابنك خالتك ده خالص
إلهام : يووة وقت غيرة ده يا حبيبى
حخلى رهف تكلمه فى الفون
إرتحت كده
يوووه بعد مشاحنات وممدوح وتحكمات وحبة غيرة وتشنجات
خالد رجع البيت و٠٠٠٠٠
الهام : شفت ياحبيبى لولا محمد إبن خالتى أتدخل كنت دفعتلك 4000 جنيه غرامة دلوقتى
الحمد لله هو و الظابط طلعوا معرفة ومعملش محضر للولد
ممدوح : انا كنت هاخلصها بطريقتى يا هانم
الهام : والنبى دى مش اكلة هاتفتكس فيها ( زى عوايدك)
ممدوح : بتقولى اية سمعينى كده
الهام: بقولك ياحياتى انت الخير والبركة بس المهم ان خالد متعملش له محضر وخرج ( كنت حتدبحنا لو دفعت 4000 كنت هتنكد علينا ليل ونهار ومش حنخلص خالص)
ممدوح : انا مش عارف انتى بتكلمى نفسك كتير اليومين دول
الهام : يعنى هو أللى بيحصل ده من امبارح مش يجننى
ممدوح: بصى علشان نبقى على نور اخر مرة تتصلى بابن خالتك ده تانى وتطلبى منه مساعدة
فاهمة ولا رهف ولا زفت لا والله أنتى عارفة حنيل أيه
الهام: تانى ياممدوح مفيش فايدة
ممدوح: ايوة انا مش برتاح له وانتى عارفة السبب
الهام : لاء مش عارفة
ده ابن خالتى ومش ها أقطعه مش كفاية عيلتك كلها انت قطعتهم
وانا مش مستعدة اخسر عيلتى
ممدوح: يعنى بتتحدينى طيب انتى حرة بقى و انا حذرتك
خالد: يعنى كل يوم خناق مش عارفين نرتاح فى البيت ده
رهف: احنا هانسيبلكم البيت ده ونروح عند نناه
الهام :عيشة مايعلم بها الا ربنا
ممدوح: بتقولى حاجة سمعينى
الهام: وانت مش حافظ الا الكلمة دى ومركز معايا وكل شوية تتخانق معايا ومطلع عليا الحظر لوحدى
وإهئ إهئ عاوز تتحكم فيا وتحبسنى وتبعدنى عن عيلتى
دى عيشة لا تطاق
ممدوح : أيووة أنا كده لا اطاق وورينى حتعملى أيه
إلهام : إهئ إهئ
ممدوووووح طلقنى بقولك
استنونى بكرة ونشوف أخرة الحظر وعمايله وإلهام الغلبانة يااانى
