أفتاكسات زوج محظور

 

 

إيمان العادلى

 

الحلقة الخامسة والأربعون

 

(الجزء الثانى ) أفتاكسات زوج صايم

 

إلهام وممدوح

 

بعد مناقشات وخناقات ممدوح ورهف وموال الامريكن دبلومة

و ٠٠٠٠٠٠٠

 

رهف : حرام عليكم مستقبلى حيضيع

 

ممدوح : ده مستقبلى انا اللى حيضيع لو دخلتك يا مفترية

مالها الثانوية العامة ها

ده حتى خلوها سنة واحدة مش زى أخوكى سنتين

 

رهف : أى أى كنت حدخلك صيدلة بسهولة

 

ممدوح : إمشى يا بت من وشى مفيش أمريكن ولا نيلة

هو باين مدارس من اصله السنة دى من الكورونا والحظر

كده كده أديكى فى البيت وحتتعلمى أونلاين زى الأمريكن بالظبط بس انتى أتعبى شوية وذاكرى وإفلحى

 

رهف : ماشى يا بابى بس حاخد دروس فى كل المواد وحخربها

اى اى جات فى وشى المخدة

 

الوقت عدى وإلهام جهزت الغدا وممدوح أتغدى وأتظبط وهوبه

 

ممدوح :انتى ياهام يا هانم انتى فين

 

إلهام :نعم ياروحى مالك مش قولت حتنام شوية

 

ممدوح : هو خالد فين مش سامع صوته

 

إلهام : خالد نزل لاصحابه

 

ممدوح : نعم نعم ياروحى اللى هاتطلع منك ومن عيالك

 

الهام :مالك بس مش عارفة لما بتنام بتقوم غريب ( ياريت ماتنمش خالص)

 

ممدوح : بتقولى حاجة على صوتك

 

الهام :لاء ياحبى بكلم نفسى

هاتصل به دلوقتى عشان يرجع

 

ممدوح : انتى عارفة الساعة كام داخلة على ١٠ وانتى مش عارفة ان فى حظر وهباب

 

الهام : يووووة عيالك عندك انت حر معاهم هو فى حد بيعبرنى

انت ابوهم انت حر معاهم

 

ممدوح : هو كل ما اكلمك تعملى الاسطوانة دى

 

الهام : انت اللى كل شوية تعمل حدوتة وعايز تجر شكلى وخلاص

 

ممدوح : جرس الباب بيرن روحى افتحى الباب

 

الهام :مش رايحه

ها

 

ممدوح : هافتح انا اصل فى غبى هايولع فى الجرس

 

مين ايوة

 

حسام : (صاحب خالد)

 

ممدوح : خير يابنى هاتولع فى الجرس

 

حسام : اسف ياعمو اصل خالد شد فى الكلام مع الظابط شوية واخده القسم

 

الهام : بتقول اية ماله خالد

 

ممدوح :شوفتى تربيتك يا هانم

 

الهام : هو ده وقته

خناقات قدام الواد الغريب كمان

ما تشوف أبنك حصل له أيه

 

يووووة مش حنخلص من ممدوح وعياله

أستنونى بكره