بوابة العاصمة
مقالات مشابهة
إيمان العادلى
الحلقة الثالثة والأربعون
(الجزء الثانى ) أفتاكسات زوج صايم
إلهام وممدوح
ممدوح الحظر عامل عمايله معاه
وولاده كمان قايمين بالواجب
وإلهام كمان يوووووه مظبطاه
و٠٠٠٠٠٠٠
ممدوح : أمريكن أيه يأ ام أمريكن أن شاء الله
ده أنتى عديتى أخوكى وأمك بمراحل والله منا سايبك يا رهف
رهف : يوووه يا بابى كله ألا أنا أه
ممدوح : ليه إن شاء الله الاميرة ديانا حضرتك
رهف : لأ يا بابى أنا رهف
وبعدين متهرجش فى مواضيعى الحياتية الجادة
ممدوح : حياتية كمان وجادة
لأ دى مواضيع ميتسكتش عليها
إلهام أنتى يا هانم تعالى هنا شوفى بنتك
إلهام : فى ايه صوتك مالى العمارة
الجيران يقولوا ايه علينا كده كل يوم
ممدوح : مش حيقولوا حاجة يا أختى هما كمان صوتهم عندنا والحال من بعضه وحظر وداير على الجميع
تعالى شوفى بنتك وعمايلها أنا خلاص مش متحمل
إلهام : فى ايه يا رهف
ماله بابا صوته طالع ليه
رهف : مفيش يا ماما ده أنا يدوب بقوله صحابى حولوا لإمريكن وعاوزة احول زيهم عمل زى ما إنتى شايفة كده
ممدوح : شفتى سيبينى عليها يا إلهام
إوعى كده بقولك
إلهام : أستنى كده يا دوحة بس نفهم منها وأللى عاوزه أعمله
قولى يا رهف ودى ايه كمان
رهف : يا ماما يا بابا دى ثانوية إمريكية فى مدرسة جود الأنترناشونال اللى جنبنا هنا ححول لها من السنة الجاية زى صحابى ما عملوا و ٠٠٠٠
ممدوح : نعم يا اختى حتحولى كمان يا سلام وخدتى القرار كمان
سيبينى عليها يا إلهام بقولك
ما هى تربيتك ياهانم بانت أهى
أيه
مكنتش فاضى لكم الأيام اللى فاتت والحظر بين كل حاجة على حقيقتها
إلهام : لأ بقى يا سى ممدوح
مالها تربيتى بقى ولا حاجات أيه أللى بانت دى
ده انا بيحلفوا بتربيتى لولادى فى كل مكان
ممدوح : مين دول اللى بيحلفوا والنبى أسكتى على خيبتك القوية
ولا علشان ولاد اختك سامية فاسدين ومطلعين عين أمهم
إلهام : وليه نروح بعيد يا حبيبى ما تشوف عيال أختك إعتدال ولا بلاش أتكلم ربنا ستار
رهف : يووووة يقطع الحظر وسنينه كل يوم تتخانقوا وتقطعوا بعض
حرام عليكم يا ناااس مستقبلى حيضيع وأنتم بتسيحوا لبعض
عيال اختك وعيال اخته
ممدوح : نعم يا ست رهف بتألشى على إمك وأبوكى
طيب تعاليلى بقى وأوريكى التسييح على أصوله
رهف: أه اه يا عينى
سيب شعرى طيب
اه اه يا مامى
إلحقينى طيب
إلهام : اه يا ااانى من جوزى وعمايله وعيالى وبلاويهم
أستنونى بكرة ونشوف
يجب عليك تسجيل الدخول لكتابة تعليق.