أفتاكسات زوج محظور

 

 

إيمان العادلى

 

الحلقة السادسة و الثلاثون

 

(الجزء الثانى ) أفتاكسات زوج صايم

 

إلهام وممدوح

 

ممدوح : ايه بتزعقى ليه

 

إلهام : شوف بقى من الأخر كده طلقنى

 

ممدوح : إلهام أسكتى ولمى نفسك لأعملها وأطلقك بصحيح

أنتى باينك أتجننتى

 

إلهام : أيووة أتجننت منك ومن عمايلك معايا إهئ إهئ

 

ممدوح : بتزنى ليه هو أنا جيت جنبك يا ست أنتى

 

إلهام : ايوة جيت جنبى وموقفتش جنبى فى مشروعى وامل مرات أخويا عماد شاركت سامية فى المشروع بعد عماد ما أداها الفلوس من سكات ولا تقطيم

 

ممدوح : أه قولى كده بقى

طب عماد أخوكى لعبة فى إيد مراته ومبيتنيش لها كلمة وعلطول حاضر حاضر إنما انا حمش يا هانم

ومش بتاع حاضر ولا نعمين

يرضيك دوحه حبيبك يبقى لعبة فى إيد مراته

 

إلهام : إهئ إهئ لأ ميرضنيش

بس برضه لازم يشوف طلباتى ومستقبلى

 

ممدوح : يا هبلة لما يكون معايا فلوس زيادة حخليكى تعملى المشروع لوحدك

 

إلهام : بجد يا دوحة طب أحلف

 

ممدوح : عيب عليكى من غير حلفان كلمتى واحدة وأنتى عارفة

بس اوعى تقولى لحد وخليه سر بينا يا حبيبتى ( بالذات أمك )

 

إلهام : بتقول حاجة يا دوحة

 

حاضر يا دوحة من عنيا

قولى بقى وست أنغام دى مالك ومالها

 

ممدوح : تااانى يا إلهام مفيش فايدة فيكى أبدا

 

إلهام : يوووة بغير عليك يا دوحة

مغرش يعنى

 

خالد : ترررررا الله عليكم وأنتم رايقين جوز كناريا يا نااس

 

رهف : قمرات يا اخواتى وأنتم حلوين كده

 

إلهام : بس يا بت أنتى وهو

حقوم بقى أجهز الاكل وأشوف حنتغدى ايه

 

خالد : نتغدى كريب يا ماما نفسى فيه من رمضان ونعمله بالفراخ والبطاطس

 

رهف : موافقة يا خالد على طلبك

 

ممدوح : أعمله أناا بقى الكريب لعبتى من زمان

 

رهف وخالد :

وإلهام : لأ بلاش أنت حرررام

تعبنا أفتاكسات وإختراعات

أه يا أناااااااا من عمايل بابا وسنيننه

 

أنتظرونى بكرة ونشوف

ممدوح حيعمل الكريب

ولا