أفتاكسات زوج صايم بواسطة bwabt1 0 شارك إيمان العادلى الحلقة الثالثة عشر إلهام وممدوح رهف وخالد عندهم فكرة يفضوا بيها الأشتباك بين إلهام وممدوح بس يا ترى حتعجب إلهام وممدوح حيوافق ده أللى حنعرفه ممدوح : ها ياسى خالد انت وست رهف أيه أفكاركم النيرة أللى حتتحفونى بيها رهف وخالد : بلاش تريقة يا بابا لو سمحت قبل ما تسمعنا إلهام : أتفضلوا قولوا وكده كده انا رايحة ل ماما وأبقوا عيدوا مع أبوكم لوحدكم ها رهف وخالد : يوووة أصبرى يا ماما كده وصلوا بينا على النبى إلهام وممدوح : أللهم صل وسلم على نبينا أفضل الصلاة والسلام رهف وخالد : بصوا بقى حبايب قلبنا بابا وماما أحنا مش عيال ودماغنا كبيرة وعمليين ممدوح : نعم يا خويا أنت وهى عمليين عمليين أزاى يعنى خالد : يوووة يا بابا أصبر علينا وسبنى أعرض الفكرة عليكم بس بالله عليك متتريقش علينا شوفوا أحنا مش عاوزين لبس العيد إلهام : نعم يا واد أنت وهى بقى أنا بكافح معاه وبتخانق علشانكم وحسيب البيت علشان يجيب لكم اللبس وأنت تقول مش عاوزين لبس العيد انا مش حسمع الكلام الفاضى ده شكلك متفق مع أبوك انت ومقصوفة الرقبة رهف خالد : يا ماما أسمعى الفكرة الأول وبعدين أتكلمى يا حبيبتى لو سمحتى ممدوح : فى أيه يا إلهام ما تسمعى العيال عاوزين يقولوا أيه ولا أنتى كده دايمآ أللى مش على مزاجك متسمعهوش وتصممى على اللى فى دماغك لو غلط إلهام : أنا يا ممدوح أللى بصمم برضه على أللى فى دماغى وأنا أللى بمسك فى الغلط طب والله ما أناا ٠٠٠٠٠٠ خالد ورهف : يوووة يا ماما والنبى ما تحلفى واسمعى بقى علشان خاطرنا وحياة تيتى عندك أسمعينا بقى إلهام : طيب قولوا خلينا نخلص من أم القعدة دى خالد ورهف : بصوا يا حبايب قلبنا أحنا مش عاوزين لبس العيد لأننا فعلآ مش حننزل من البيت وعلشان كورونا ومش حنعرف نشترى اى حاجة وكمان أحنا عندنا لبس كتير ممدوح : عفارم عليكم يا عيال ولاد ممدوح فعلا ( الحمد لله العيال عاقلين لأبوهم ) إلهام : انت بتقول حاجة يا ممدوح ممدوح : لأ يا حبيبتى ده أنا بقول عيال عاقلين ها كملوا يا عيال وبعدين خالد ورهف : وبما أننا محبسوين فى البيت من كورونا ولا بنخرج ولا بنروح نادى ولا بنقابل صحابنا ف أحنا حنقترح يا بابا أقتراح يرضى ماما ويرضيك ويسعدنا إلهام : قول يا ابن ممدوح ما أنت طالع لأبوك فى أفتاكساته ممدوح : افتاكسات ايه يالهام بتاعتى دى ما تحسنى كلامك قدام العيال خالد ورهف : يوووة يا ناس حرام عليكم سبونا نقول الكلمتين إلهام : طيب خلصونى وقولوا خالد ورهف: بما اننا محبوسين وكده فا أحنا حناخد فلوس لبس العيد وأقل كمان ونجيب دراع للعبة بابجى اللى بنلعبها مع أصحابنا وكلبسات للفون وكل حد فينا ياخد 200 ج بس تمن لبس العيد وحنشترى الدراع أونلاين يعنى لا حننزل ولا حنشترى من الشارع وبكده حتسعدونا أنا ورهف بالعيد وحنفرح اوى باللعب بالدراعات دى موافقين يا بابا موافقة يا ماما وأهو تقولى لخالتو وعمتو العيال خدوا الفلوس وجابوا أللى نفسهم فيه ومجبوش لبس هما أحرار وكده لا ولاد خالتى ولا عمتى أحسن مننا ممدوح : أنا موافق يا ولاد هو يعنى حدفع 400 ج فى الزمن المهبب ده بس حلوة الفكرة المهم تتبسطوا ها يا إلهام ايه رأيك فى فكرة الولاد إلهام : خلاص طالما هما عاوزين كده انا موافقة اللى يفرحهم يفرحنى خالد ورهف : الله عليكم وأنتم رايقين وحلوين كده ربنا يخليكم لنا يارب إلهام : والكحك والبسكوت يا سى خالد ولا انت عامل خطة مع ابوك بقولكم ايه كله ألا الكحك والبسكوت والله لأمشى عند ماما ولا أنا حقى مهدور فى البيت ده خالد : يا مااااما اصبرى حقولك على الكحك والبسكوت يا حبيبتى أصبرى بكرة بقى نعرف فكرة خالد ورهف للبسكوت والكحك وبالذات العيد خلاص بعد بكرة أنتظرونى شارك هذا الموضوع:تدوينةTweetTelegramWhatsAppطباعةالبريد الإلكترونيمشاركة على Tumblrمعجب بهذه:إعجاب تحميل... مرتبط 0 شارك FacebookTwitterWhatsAppالبريد الإلكترونيLinkedinTelegramطباعة
