أفتاكسات زوج صايم بواسطة bwabt1 0 شارك إيمان العادلى إلهام و ممدوح الحلقة الثامنة إلهام : فى ايه يا رهف مالك رهف : تعالى هنا المطبخ يا ماما علشان تشوفى الحلاوة معايا إلهام : جاية أهو اه يانى مش عارفة أرتاح شوية بعد الفطار زى الناس خالد : ماما يا ماما أدفعلنا النت بقى ووالله أخر مرة نشربه خلاص يا حبيبتى رمضان حيخلص ومش حنشوف مسلسلات والنبى يا ماما وحياتى عندك إلهام : استنى اشوف موضوع النت ده بعد ما أدخل المطبخ وأشوف رهف مالها إلهام دخلت المطبخ ووراها خالد وعيونه كلها أنتظار وتوقع لأفتاكسة جديدة من باباه وكله أمل يطلع توقعه غلط وياكل أجمل بسبوسة رهف : اتفضلى يا ماما طلعى لى حتة من الصينية دى عاملة زى الطوب وعليها حتت إزاز بتبرق شوفى أفتاكاسات بابا أحنا تعبنا يا ستى إلهام : ورينى كده يا لهوووووى ايه ده دى ناشفة حجر وأيه الأزاز اللى بيبرق عليها ده عوضنا على الله فى البسبوسة والسكر والسمن رهف : وأحنا ذنبنا ايه يا ستى نفضل كده فيران تجارب ل بابا خالد : ههههههه أبونا بقى ولازم نتحمله فى صيامه وحظره وبعدين كده يا عبيطة يا رهف حنطلب تجديد الباقة بقلب جامد هههه إلهام : اوعوا من وشى وسعوا كده ممدووح يا ممدووووح تعالى هنا ممدوح : خير يا حبيبتى البسبوسة لحستكم من جمالها أنا عارف هههه إلهام : تعالى بس المطبخ وانت تعرف ياروحى ممدوح قام من قصاد التليفزيون ودخل المطبخ بكل ثقة وفجأة لاقاهم كلهم واقفين وعلى وشهم علامات هو عارفها قبل كده كتير كل ما يفتكس حاجة وتبوظ ممدوح : ها خير يا إلهام وانتم يا ولاد مالكم كده زى بندول الساعة واقفين إلهام ورهف وخالد : فى صوت واحد البسوسة حجر يا بابا عاوزة النجدة تطلعها من الصينية إلهام : حبيبى وبكل هدؤ وبرود أهو ومن غير ما أقول يا لهووى ايه اللى حصل وايه الأزاز اللى على الوش ده يلا حبيبى أعترف لنا عملتها أزاى ممدوح : مفيش عملتها زى ما مكتوب على الكيس أنا حرفع قضية على الشركة دى علشان الطريقة مش مظبوطة إلهام : الشركة هى اللى مش مظبوطة برضه ولا انت افتكست من الأخر أعترف يا حبيبى وقول علشان المرة الجاية تطلع حلوة يا حبى خالد ورهف: هو فى مرة جاية يا عينى علينا فى البيت ده إلهام : بس ياواد أنت وهى خلوا أبوكم يعترف يلا يا حبيبى أعترف ممدوح : مفيش يا حبيبتى انا عملت شربات تقيل وحلو كده زى cbc سفرة وضفت عليه ليمونة بحالها بس كده يا قلبى إلهام : محدش يحوشنى سبونى عليه يا لهوووى يانى بتفتكس ليه وتحط ليمون على شربات البسوسة ممدوح : حبيت أضيف التاتش بتاعى إلهام : يالهوووووى يا ضغطى يانى بكرة بقى نكمل ونشوف ممدوح حيفتكس ايه تانى وإلهام حتعمل معاه ايه شارك هذا الموضوع:تدوينةTweetTelegramWhatsAppطباعةالبريد الإلكترونيمشاركة على Tumblrمعجب بهذه:إعجاب تحميل... مرتبط 0 شارك FacebookTwitterWhatsAppالبريد الإلكترونيLinkedinTelegramطباعة
