سؤالك وجوابك عندنا

إيمان العادلى

ماهو الألم العضلي الليفي أو الفيبروميالجيا أو متلازمة الألم العضلي الليفي ؟

الأجابة
ال FMعبارة عن اضطراب أو حالة مرضية بتتميز بوجود ألم عضلي منتشر في أجزاء كبيرة من الجسم، مصحوب بإرهاق ومشاكل في النوم والذاكرة وبعض المشاكل المزاجية.
الأعراض بتظهر في الغالب بعد التعرض لصدمة جسدية أو عملية جراحية أو حتى ضغط نفسي، وأحيانًا مش بيكون فيه سبب واضح للأعراض وبتتراكم الأعراض مع الوقت.
النساء أكثر عرضة للإصابة بالفيبروميالجيا من الرجال.
لا يوجد علاج لهذا الاضطراب ولكن توجد بعض الأدوية والعلاجات من شأنها التحكم في أعراضه.

تم التشخيص وبدأ العلاج، السؤال اللي بيجي في بال كل مصابة بالفيبروميالجيا… وبعدين؟
الأبحاث العلمية بتوضح تأثير العلاج الدوائي والغير دوائي في علاج الفيبروميالجيا في شكل بتسميه “تحسين جودة الحياة”.
أغلب المصابات بالفيبروميالجيا اللي التزموا بالعلاج لاحظوا تحسن كبير في أعراض المرض، والحالة النفسية ونوعية حياتهم بوجه عام.
ودا بيأكد إن الفيبروميالجيا واحد من الأمراض اللي ممكن السيطرة عليها وعلي أعراضها.

متسيبيش نفسك للأعراض واسألي #الحل_ايه ، العلاجات المتاحة فعّالة وبتحقق نتائج وتأثير في حياة المصابين، كل اللي عليكي هو إنك تاخدي الخطوة في أول طريق التحسن.