
عبد الحليم قنديل في برنامج الحكاية لعمرو أديب(1):
إيمى عمرو
قال عبد الحليم قنديل في برنامج الحكاية لعمرو أديب(1):
● اعلاميا، البلد مش لابسه فستان.. بل بواقي فساتين، المشهد العام محتاج وقفة صادقة ومراجعة حقيقية، الشعب لا يريد عودة الإخوان.. ولا يستريح للوضع القائم.
وليس هناك انفراجة في الإعلام، وما هو موجود بحكم الضغط، مش بحكم قناعة.
فيه سخط عام في الشارع، وفيه بخار زايد، فهناك من بيفتح للتنفيس عن هذا البخار يعني اللي بنشوفه مش حرية، ده تنفيس عشان الضغط ماينفجرش.
وهناك ثقوب بتتفتح نتيجة الضغط العام، و الحرية هتزيد غصب عن إرادة المسؤولين، لأن ضغط الشارع في النهاية بيفرض نفسه على الجميع. الحرية هنا مسألة توازن قوى، مش قرار رسمي.
وفكرة تقييد الإعلام والصحافة هي فكرة مستقرة في مصر بصفة عامة وسمعنا كلام كتير عن حرية الإعلام قبل كده، وفي كل مرة بنرجع لنفس المتاهة.
● وعن أزمة الديون قال قنديل: نحن في إطار لعبة توليد ديون بحجة سداد الديون وهذه الفكرة مسيطرة على من بيده الأمر، نستدين عشان نسدد دين قديم، فنخلق دين جديد أكبر، وهكذا.. دايرة مفرغة مابتخلصش.
والقرار الاقتصادي أصبح مرهوناً بصندوق النقد.
مابقيناش احنا اللي بنقرر.. اللي بيقرر هو اللي بيدينا القرض وشروطه.
والدولة عايشة على فكرة شخص كأنه مأجر شقة، بياخد الإيجار ويعيش به ولما الإيجار مايكفيش.. هيبيع الشقة.
نبيع أصول عشان نعيش اليوم، ونستدين عشان نسدد امبارح، ونرهن بكرة عشان نعدي النهاردة.
#برنامج_الحكاية


التعليقات مغلقة.