أسئلة وفتاوى
طارق الدسوقي
س1/لو سمحت ياشيخ هو ليه ربنا حلل للراجل تعدد الزوجات مع أن ده أمر صعب جداً وفي ضرر نفسي للست؟!
وسؤال تاني هل لو الزوجة طلبت الطلاق لسبب إن زوجها هيتزوج غيرها بتشيل ذنب؟
ج/الزواج بأخري أمر لا تحبه النساء وتسمي الزوجة الثانية ضرة
لأن في وجودها إضرار للاخري عادةً ، وفعلاً زي ما حضرتك ذكرتي في نساء تتأثر نفسياً جداً بموضوع إن زوجها يتزوج بأخرى
س/طيب ليه الشرع أجازه ؟
ج/الشرع أجازه بشروطه لأن فيه منافع وفوائد لأطراف أخري كثيرة زي إيه ؟!
زي إن فيه مصلحة لبنت أو سيدة هتبني بيت وأسرة وتعف نفسها في الحلال ، فيه فائدة لزوج هيستقر أكثر، أو ينجب أولاد هو محروم منهم ،أو هيلاقي تفاهم أكثر ، أو هيعف نفسه بصورة لم يجدها مع الزوجة الأولي، فيه إن بيساعد مطلقه ملهاش حد يساعدها ويعوضها عن سوء مرت به ، فيه إن يساعد في تربية أطفال أيتام ،أو ابوهم رماهم وأمهم….
👈ومع تطبيق شروطه مفهوش ظلم للزوجة فحقوق كل زوجة محفوظة ومصونة
فاكيد مفيش منطق يقول نمنع أمر فيه خير كبير لناس كتيييرة جداً لمجرد أن فيه ناس هتتضايق منه برغم من إن حقوقها محترمة ومحفوظة عند تطبيقه
🔹ثم الشرع لما جوز للرجل أن يتزوج بأخرى لم يجبر الزوجة علي البقاء معه بعد زواجه بأخري فمن حق الزوجة أن تطلب الطلاق إذا اذاها ذلك ولم تستطع أن تؤدي حق زوجها .
👈أما مجرد زواجه بأخري فليس مسوغا لتطلب الطلاق .
