توقعات الابراج لمدة سنة

إيزال طارق

جانب من توقعاتك لمدة سنة

المشترى لسا داخل الاسد وهيفضل قيه لحد يوليو ٢٠٢٧

طبعا فيع بوست لدور المشترى وتأثيره وازاي تقدر تستفيد منه في بوست فات على الصفحة

لكن البوست ده عشان ازاي ده بيأثر بالنسبة لكل طالع

طبعا بتشوف البرج الشمسي بتاعك كمان

انت برج ايه؟

 

الحمل (المشترى في البيت الخامس)

بيت الارادة، الإبداع، الحب، والأطفال.

المميزات: فترة حلوة جدا للتعبير عن مواهبك. لو عندك مشروع إبداعي أو فني، ده وقت ظهوره وانك تشوف اعجاب الناس بيه. حظ في العلاقات العاطفية، الرومانسية، وحتى اللعب واي حاجة انت بتحب تعملها او عندك شغف فيها. وقت فيه فرص الإنجاب كبيرة. هتحس برغبة قوية في الانبساط وترك اي حاجة تزعلك.

العيوب: خد بالك من الافراط في اللعب او البحث الزيادة عن التسلية ومن المخاطرة في الاستثمار او المضاربات

 

♉ الثور (المشترى في البيت الرابع)

بيت العائلة، المنزل، الجذور، والأمان النفسي.

المميزات: توسع في محيط الأسرة أو المنزل وتحسين بيئة المنزل او جتى تغيره لافضل. وقت حلو لشراء عقار، تجديد البيت، أو الانتقال لمكان أوسع. العلاقات الأسرية بتتحسن وبترجع لافضل احوالها، وبتحس بسلام داخلي وأمان نفسي وتصالح مع الماضي

حظوظ مادية مع افراد العائلة او محيط مكانك

العيوب: خد بالك من الكسل والرغبة في القعدة في البيت ومصاريف مبالغ فيها على الديكورات والأثاث، أو تضخم في لمشاكل العائلة القديمة ال ماتعملتش معاها بحكمة

 

♊ الجوزاء (المشترى في البيت الثالث)

بيت التواصل، العلاقات القريبة، المهارات، والسفر القصير.

المميزات: عقلك كفاءته اعلى السنة وقت رائع للتعلم، الكتابة، التدوين، أو إطلاق كورس أو قناة. تواصلك مع الأخوة والجيران هيكون محظوظ وفيه دعم. مشاويرك القصيرة وحركتك هتزيد وهتفتح لك أبواب لفرص جديدة.

وممكن حظوظ بتلاقيها من رسائل او مكالمات او ايميلات

العيوب: تشتت الذهن بسبب كثرة الأفكار والمشاريع (عايز تعمل كل حاجة في نفس الوقت)، والمبالغة في القيل والقال أو إعطاء وعود شفهية مش هتقدر تنفذها.

 

♋ السرطان (المشترى في البيت الثاني)

ييت المال، الموارد الذاتية، والقيمة الشخصية.

المميزات: سنة لوفرة مالية! فرص جيدة لزيادة الدخل، سواء من خلال زيادة في المرتب، أو شغل جانبي او مشروع ناجح، أو هدايا ومكاسب غير متوقعة. ثقتك في قيمتك وقدراتك بتزيد، وده بيخليك تقدر تطلب المقابل المادي اللي تستحقه. او تزود اسعار لشئ او خدمة بتقدمها

العيوب: الرغبة في الصرف ببذخ وشراء أشياء ممكن تكون فيها رفاهية او مفيش احتياج ليها فعليا أو بدافع الدلع والرفاهية، وده طبعا يهدد الميزانية لو مفيش حساب.

 

♌ الأسد (المشترى في البيت الأول)

بيت الذات، الهوية، المظهر، والبدايات الجديدة.

المميزات: أنت بطل الاحداث السنة دي! طاقة وتفاؤل وكاريزما عالية جداً. الأبواب المقفولة بتتفتح، وده أفضل وقت في الـ 12 سنة اللي فاتوا لإطلاق مشاريع شخصية أو تغيير المظهر. الناس بتشوفك كقائد ومُلهم. وعندك حكمة اكتر من العادي

العيوب: الأنا المرتفع جداً، الثقة الزائدة ال ممكن تقلب لغرور، وميل لزيادة الوزن بسبب انفتاح الشهية على الحياة (والأكل!).

طبعا لو فيه رغبة او تحكم الفرصة السنة دي كبيرة كمان في انك تخلي شكلك يرضيك او تحبه

 

♍ العذراء (المشترى في البيت الثاني عشر)

بيت العقل الباطن، الروحانيات، العزلة، والتحضير خلف الكواليس.

المميزات: عبور مميز جدا للجانب الروحي والنفسي والإيماني. حماية إلهية غير مشروطة (بتحس انك معاك بيحميك). وقت ممتاز للتأمل، الاستشفاء النفسي، التخلص من الصدمات، وفهم الأحلام. لو بتشتغل خلف الكواليس (أبحاث، كتابة، شغل أونلاين غير معلن)، هتحقق نجاح كبير ان شاء الله

فرص في بعض الأحيان للسفر او العمل في بلاد بعيدة

العيوب: الميل للهروب من الواقع أو العزلة الزائدة، وتضخم المخاوف والأوهام أحياناً لو ما وجهتش الطاقة دي للايمان أو الإبداع

 

♎ الميزان (المشترى في البيت الحادي عشر)

بيت الأصدقاء، الشبكات الاجتماعية، والامنيات، والمشاريع الجماعية.

المميزات: دائرتك الاجتماعية هتتوسع بشكل كبير. هتعرف ناس منها المفيد جدا يدعموك في أهدافك. وقت ممتاز لتحقيق أمنية كبيرة كنت بتسعى ليها. مشاريعك الأونلاين أو الجماعية بتجيب أرباح جيدة، وجمهورك بيزيد.

العيوب: الانجراف وراء أصدقاء السوء أو تضييع الوقت في المجاملات الاجتماعية على حساب أهدافك الشخصية، والمبالغة في التوقعات من الآخرين.

 

♏ العقرب (المشترى في البيت العاشر)

بيت المهنة، المكانة الاجتماعية، السمعة، والسلطة.

المميزات: طفرة في شغلك او وظيفتك! ترقية، مكافأة، أو اعتراف عام بنجاح او انجاز ليك. لو بتدور على شغل جديد أو نقلة نوعية في مكانتك، ده وقتها. سمعتك المهنية هتكون جذابة، وهتتعامل مع رؤساء أو جهات حكومية بشكل مثمر جداً.

فيه بعض الأحيان بيكون العبور ده وقت للزواج وتغيير المكان او المكانة الاجتماعية

العيوب: ضغط بسبب مسؤوليات تكتر في وقت معين، وتضخم “الرغبة” في السلطة او التحكم، أو صدامات مع الرؤساء اذا كان المحرط بتاعك غرور او ايجو فهد بالك بس من النقطة دي

 

♐ القوس (المشترى في البيت التاسع)

بيت السفر البعيد، التعليم العالي، الفلسفة، والنشر.

المميزات: المشترى في بيته الطبيعي فرص عظيمة للسفر للخارج، أو الهجرة او زيادة السفر، أو التعامل مع جنسيات مختلفة. وقت مثالي للدراسات العليا، تعلم علوم عميقة (زي الفلك أو الفلسفة او غيرها)، أو نشر كتاب وأبحاث. رؤيتك للحياة هتتوسع جدا وهتكون مرشد لغيرك.

العيوب: التعصب للأفكار أو الآراء (الاعتقاد بأنك تملك الحقيقة المطلقة)، والاهتمام بالفلسفة والنظريات على حساب التطبيق العملي في أرض الواقع.

 

♑ الجدي (المشترى في البيت الثامن)

بيت أموال الآخرين (الاستثمار والشراكات، المواريث، الضرائب) والاستشفاء النفسي العميق.

المميزات: تحسن كبير في الموارد المشتركة حظوظ من اموال من اخرين. ممكن شريك حياتك أو عملك يجيله فلوس كويسة تنعكس عليك. وقت ممتاز للحصول على تمويل، دعم مالي، أو تسوية ديون ومواريث. كمان بيديك قدرة على التحول النفسي والتخلص من العادات السامة. او المشاكل والمخاوف القديمة

العيوب: خد بالك بلاش المبالغة في الاعتماد على أموال الآخرين، أو الدخول في قروض والتزامات مالية أكبر من قدرتك على السداد

 

♒ الدلو (المشترى في البيت السابع)

بيت الشراكات (العاطفية والمهنية) والزواج.والتعاملات التجارية (الزباين)

المميزات: سنة الارتباط والشراكات المحظوظة، في فرص عالية جداً لدخول شريك حياة مناسب وكريم. لو متزوج، العلاقة بتتجدد وبيبقى فيها بهجة او كرم متيادل. عقود العمل والشراكات المهنية والتجارية هتكون مثمرة جداً وهتجيلك من وراها فرص كويسة لو عندك مشروع او بتقدم خدمة فيه تعامل مع زباين بتبقى السنة دي جاذبة لناس اكتر او مستواهم افضل

العيوب: المبالغة في توقعاتك من الطرف الآخر، أو تضخم المشاكل في الشراكات لو كانت مبنية على أساس هش، لأن المشترى بيكبر اللي موجود أصلاً.

 

♓ الحوت (المشترى في البيت السادس)

بيت الصحة، الروتين اليومي، بيئة العمل، والخدمة المميزات: بيئة عملك هتكون مريحة وممتعة، وفرصك في وظيفة يومية افضل او فرص وحظ من خلال زملاء او اشخاص بتعتاد تقابلهم او تغيير روتينك للافضل. تحسن ملحوظ في الصحة لو كنت بتعاني من تعب سابق او مرض بيكون فيع شفاء ان شاءالله، ووقت مفضل جدا في بداية روتين صحي، او تنظيفي، أو ممارسة الرياضة او المداومة في الصلاة والروتين الدسني. طاقتك لخدمة ومساعدة الآخرين هتكون في افضل اوقاتها. وكمان وقت جيد جدا لتبني حيوانات اليفه

العيوب: تراكم المهام والمسؤوليات اليومية لدرجة الإرهاق بسبب التفاؤل الزايد، ومحاذير من اي رويتين سلبي او مضر