بيتي فور الناعم

إيمى عاطف

ده بقى اللي “بيبي فور” بجد! ناعم وبيدوب في البوق، وشكله يجنن مع التزيين.

المقادير:

كوبايتين زبدة طرية، كوباية سكر بودرة،

بيضتين وفانيليا، 4 كوبايات دقيق، رشة ملح.

(للتزيين: مربى مشمش، شوكولاتة سايحة،

جوز هند، أو فسدق).

الطريقة:

اضربي الزبدة مع السكر بالمضرب الكهرباء لحد ما تبقى زي الكريمة البيضاء الهشة.

ضيفي البيض والفانيليا واضربي لحد ما يختفوا.

ضيفي الدقيق والملح ولمي العجينة براحة (بلاش عجن كتير).

شكلي بالقمع أو ماكينة البيتي فور في صواني.

دخلي الفرن (180 درجة) لمدة 10 دقائق لحد ما يبقى لون القاع ذهبي فاتح.

بعد ما يبرد، لزقي كل اثنين بالمربى وغطسيهم في الشوكولاتة والمكسرات. وبالهنا!