موجة شديدة الحرارة يوم السبت القادم مع عواصف رملية قوية

إيمى عمرو

 

موجة شديدة الحرارة يوم السبت القادم مع عواصف رملية قوية قد تحول النهار الى ليل على بعض المناطق مع رياح عاصفية ومع دخول الجبهة الباردة امطار غزيرة على بعض المناطق

 

 

 

 

خلينا نفسر ونشرح كل حاجة بالتفصيل

 

 

 

 

شوف يا صديقي في البداية فمن ليلة السبت هنتأثر بمنخفض صحراوي عميق قادم من الصحراء الكبرى هيجلب معاه كتلة هوائية حارة من المناطق المدارية هتعمل على ارتفاع درجات الحرارة بشكل قياسي لدرجة انها هتوصل على سبيل المثال في الدلتا والقاهرة الى 34 درجة مئوية وعلى جنوب الصعيد 38 درجة مئوية وتلامس 40 درجة مئوية في بعض المناطق منه

 

 

 

 

المنخفض الخماسيني بمصطلح اخر هتوصل قيم الضغط في مركزه ل 991 مللي بار ظهر السبت وبالتالي ده هيعمل على نشاط قوي للرياح واللي هيوصل للعاصفة فعليا وقد تكون في خطورة لان متوقع سرعة هبات الرياح في جنوب الدلتا والقاهرة توصل بين 100-104 كم / ساعة وهتكون فوق 90 كم / ساعة على شمال الصعيد ومدن القناة وعلى باقي الدلتا فوق 70 كم / ساعة وبالتالي هتتشكل عواصف رملية قوية والاطواء هتكون حارة عاصفة مغبرة

 

 

 

 

طب ايه هي المناطق اللي هتشوف عواصف رملية؟

 

 

 

 

سرعة هبات الرياح دي هتعمل على تكون عواصف رملية قوية

 

ومهيبة بالصحراء الغربية والشرقية ومع اتجاه الرياح هتتقدم لمناطق واسعة من السواحل الشمالية والدلتا والقاهرة ومدن القناة والصعيد وسيناء وبسبب كثافة الرمال في بعض المناطق هيتحول النهار الى ليل والعواصف الرملية هي في مقدمة الجبهة الباردة ومن بعد ظهر السبت هتبدأ الجبهة في التقدم التدريجي وهتعمل انخفاض ملحوظ في درجات الحرارة بفارق كبير

 

 

 

 

ايه المناطق اللي هتشوف امطار مبدئيا؟

 

 

 

 

المنخفض الصحراوي السطحي هيكون مصاحب له سحب مدارية رطبة تابعة لتيار نفاث مداري واللي مع دخول الجبهة الباردة بسبب تأثرنا بمنخفض بارد علوي من بعد ظهر السبت هيحصل تفاعل بين الجبهة الباردة مع الكتلة الهوائية الحارة في ظل وجود تبريد علوي ب 15- على شمال مصر ورطوبة بنائية في الطبقات 700 و 850 وحمل حراري قوي مما يدعم تطور السحب المدارية وتكون السحب الركامية الرعدية

 

 

 

 

حيث متوقع من بعد ظهر السبت هتبدأ الامطار بشكل تدريجي ومع حلول مساء اليوم هتشمل اغلب شمال مصر ومناطق اخرى هيتم تحديدها خصوصا اننا امام حالة قوية جبهية والمنطقة اللي هتحصل عندها تصادم الجبهات الهوائية المختلفة هتشوف امطار شديدة الغزارة في حالة ثبات المعطيات الحالية او تحسنها

 

 

 

 

ياريت نأجل اي تنضيف للبيوت عشان العيد لما بعد يوم الاحد لان العواصف الرملية يوم السبت هتكون قوية وقد تكون جدارية على بعض المناطق وغير كمان ان يوم السبت الجو هيكون شديد الحرارة وسرعة الرياح الكبيرة دي لدرجة انها وصلت لحد

العاصفة في منها خطورة في حالة ثباتها بالشكل ده