كاسترد بالشوكولاتة

إيمى عمرو

لو نفسك في حاجة حلوة وسريعة ومن غير مجهود كبير، جربي التحلية البسيطة دي بطبقتين لذيذة جدًا وناعمة وطعمها تحفة

المكونات:

الطبقة الأولى (الكاسترد):

1 لتر حليب

3 ملاعق كبيرة كاسترد بودر أو نشا

4 ملاعق كبيرة سكر

رشة فانيليا

الطبقة الثانية (الشوكولاتة):

2 كوب ماء أو حليب

2 ملعقة كبيرة كاكاو

2 ملعقة كبيرة سكر

1 ملعقة كبيرة نشا

الطريقة:

في حلة على البارد ضيفي الحليب والكاسترد والسكر والفانيليا وقلبيهم كويس.

ارفعيهم على نار متوسطة مع التقليب المستمر لحد ما القوام يتقل ويبقى كريمي.

صبي الكاسترد في كاسات التقديم وسيبيه يبرد شوية.

في حلة تانية اخلطي الماء أو الحليب مع الكاكاو والسكر والنشا وقلبيهم كويس.

ارفعي الخليط على النار مع التقليب لحد ما يتقل ويبقى صوص شوكولاتة.

صبي طبقة الشوكولاتة فوق الكاسترد وسيبيه يبرد تمامًا في التلاجة.

ممكن تزينه ببسكويت أو شوكولاتة حسب الرغبة.