مجلس النواب المصري أعلن النهاردة إنه بدأ خطوات جدية عشان يعمل قانون ينظم استخدام الأطفال للسوشيال ميديا والموبايلات

مجلس النواب المصري أعلن النهاردة إنه بدأ خطوات جدية عشان يعمل قانون ينظم استخدام الأطفال للسوشيال ميديا والموبايلات مثل ما حدث في دول تانية كتير

 

1️⃣ التجربة الأسترالية 🇦🇺

 

أستراليا خدت خطوة تعتبر الأجرأ في العالم وقررت تجيب من الآخر:

 

القرار: منع أي طفل تحت سن 16 سنة من استخدام منصات التواصل الاجتماعي زي تيك توك وفيسبوك وإنستجرام.

 

المسؤولية على مين؟: القانون مش بيعاقب الطفل ولا أهله.. العقاب كله على شركات التكنولوجيا الكبيرة.

 

التنفيذ: الشركات دي ملزمة تعمل أنظمة تحقق من العمر صارمة جدا.. ولو طفل قدر يعدي ويسجل حساب الشركة هتدفع غرامات بملايين الدولارات.

 

الهدف: الحكومة هناك شايفة إن السوشيال ميديا بتسبب ضرر للصحة النفسية للأطفال زيها زي التدخين ولازم يمنعوها لحد ما الطفل يوصل لسن وعي مناسب.

 

2️⃣ التجربة البريطانية 🇬🇧

بريطانيا مشيت في سكة مختلفة شوية وركزت على نظافة المحتوى والتركيز في المدارس:

 

قانون السلامة: عملوا قانون التايمز للسلامة على الإنترنت.. وده بيجبر الشركات إنها تشيل أي محتوى ضار (عنف – تنمر – إيذاء نفس) فورا.. ولو ما التزموش بيتعرضوا لعقوبات ضخمة وممكن المديرين يتحبسوا.

 

داخل المدارس: الحكومة أصدرت توجيهات بمنع استخدام الموبايل نهائيا جوه المدارس.

 

الهدف: عايزين يضمنوا إن الطالب جوه المدرسة بيركز في تعليمه وبيتفاعل مع زمايله وشه في وشهم مش باصص في الشاشة.. وبرا المدرسة بيحموه من المحتوى اللي يبوظ أخلاقه.