أرز بلبن كريمى

إيمى عاطف

 

طعم زمان وقوام مظبوط من غير تعب، يطلع كريمي ووشه حلو ومكركش

المقادير:

• 1 كيلو حليب كامل الدسم (غير مغلي قبل كده)

• 1/2 كوب ارز مصري مغسول بدون نقع

• سكر حسب الرغبة

• 2 ملعقة كبيرة كريم شانتيه بودرة (اختياري)

• 1 كيس فانيليا

طريقة التحضير:

في حلة على نار هادية، ضيفي الحليب البارد والارز وقلبي باستمرار لحد ما يبدأ يغلي.

اول ما يغلي، وطي النار خالص وغطي الحلة وسيبيه من 30 لـ 40 دقيقة مع تقليب خفيف كل شوية.

بعد ما الارز يستوي ويتقل القوام، ضيفي السكر والفانيليا وكريم الشانتيه (لو مستخدماه) وقلبي كويس.

صبيه في بولات، وسيبيه يبرد شوية.

علشان الوش المكركش: دخليه فرن ساخن من فوق بس لحد ما الوش يحمر خفيف.

تقدري تقدميه ساده او برشة قرفة او مكسرات حسب المزاج