اصابع المنين بالعجوة

إيمى عمرو

المقادير:

👈نص كيلو دقيق لكل الاغراض

👈٢ معلقه كبيره سكر

👈معلقه كبيره خميره

👈نص معلقه صغيره ملح

👈كوب الا ربع سمنه او سمنه على زيت

👈كوب الا ربع ميه دافيه

 

الطريقه⬅️

1️⃣هنعجن المكونات بتاعتنا كلها لمده 10 دقائق

2️⃣هنسيب العجينه في البوله تخمر متغطيه لمده نص ساعه

3️⃣هنقسم الكور بتاعتنا لقطع متساويه وهنشكلها على شكل رول ونتركها متغطيه لمده خمس دقائق

4️⃣بعد الخمس دقائق هنفرد الرول بلوك مستطيل وهنحط جواه قطعه العجوه متشكله على شكل اصابع

5️⃣بعد كده هنقفل العجينه ونرولها كويس لحد ما تتفرد معانا وتبقى بسمك واحد

6️⃣هنبتدي نقطعها قطع متساويه

وهنغلفها بالسمسم من كل الجهات

7️⃣وهنسيبها تخمر لمده نص ساعه

8️⃣هندخلها فرن متسخن مسبقا على درجه حراره 200 لمده 10 دقائق

9️⃣تخرج من الفرن تبرد تحفظ في علبه مغلقه لحين تقديمها

بالف هنا وشفا