اعترافات المتهم بقـ.تل الفنان سعيد مختار

 

كتب حاتم الورداني علام

 

أنا أصلا متجوز طليقته من 3 شهور بس مش رسمى أنا متجوزها عرفى وكنت موجود معاها فى النادى يوم الواقعه علشان كانت بتنفذ حكم الرؤيه وأخدتها هى وبنتها علشان طليقها يشوف بنته

 

المتهم “عاطف.ع،” 61 عامًا، قال كمان إنه قعد فى العربيه منتظرها قدام بوابة النادى ولما خلصوا الرؤية أخدتها علشان نقعد فى أحد الكافيهات وبعد كدا اتفاجئت بطليق زوجتى الفنان سعيد مختار بيعترض طريقنا وبيقف قدام العربية وهو فى حالة إنفعال شديده وبدأ في توجيه عبارات حادة واتهامات لى ولزوجتى، قبل أن يحاول فتح باب السيارة بالقوة.

 

وأضاف المتهم أن الفنان الراحل استل سـ.كينًا كان بحوزته واعتدى عليه متسببًا له في جـ.رح باليد، وخلال محاولة صدّ الاعتداء – وفق رواية المتهم – نشب اشتباك بالأيدي، وخلاله تحركت السكين بشكل عشوائي، ما أدى إلى إصابة المجني عليه بجرح نافذ أسفل الذراع، تسبب لاحقًا في وفاته.

 

وأكد المتهم أمام النيابة أنه لم يقصد إيذاء أو قتل الفنان، وأن ما حدث كان نتيجة “دفاعه عن نفسه ومحاولة تفادي الضـ.رب”، مشيرًا إلى أن السـ.كين كانت في يد المجني عليه وليس بحوزته.

 

وأكدت زوجة المتهم – طليقة المجني عليه – صحة روايته، مشددة على أن طليقها واجههما بشكل عـ.دائي، وحاول الاعـ.تداء على زوجها داخل السيارة، ما تسبب في وقوع الاشتباك.

 

وطلبت النيابة تقارير الطب الشرعي لتحديد كيفية حدوث الإصـ.ابة، وتفريغ كاميرات المراقبة في محيط النادي، وسماع أقوال الشهود المتواجدين وقت الواقعة.

 

وتستكمل النيابة تحقيقاتها لاتخاذ الإجراءات القانونية اللازمة وتحديد المسؤولية الجـ.نائية كاملة.

 

تحديث: تم حـ..ـبس المتهم بإنهاء حياة الفنان سعيد مختار 4 أيام على ذمة التحقيقات

 

تحديث آخر: محامية أسرة الفنان سعيد مختار تصرح بأن زوجة الفنان مكانتش مطلقه ولا حاجه وأنها كانت متزوجه عرفى من ورا زوجها بقالها 3 شهور.. وإن الفنان شافها فى النادى مع المتهم فبيقولها مين دا فالراجل قاله دى مراتى وعلشان كدا حصلت الخـ.ناقه

 

تحديث ثالث:

شقيقة المجنى عليه أكدت على كلام المحامية وقالت: أخويا مطلقهاش وهى كانت رافعه قضية خلع ولسه مأخدتش حكم.. يعنى هى تعتبر لسه على زمته لكنهم منفصلين كل واحد قاعد فى حته

اللى حصل إن اخويا سعيد الله يرحمه كان رايح النادى علشان يجيب إبنه.. فلما إبنه طلعله قاله دى ماما قاعده جوه مع عمو عاطف.. وعمو عاطف دا أصلا كان صاحب سعيد الله يرحمه وكان بيلف على مراته من وراه

وكل اللى بيتقال عن اخويا دا كدب وكل اللى اتنشر مش صحيح وثانبا اخويا هيروح النادى ومعاه مـ.طوه أو سـ.كينه ليه يعنى؟.. دا كان رايح يجيب إبنه مكانش رايح يتخانق

اللى حصل إن المقابله دى كان متخططلها من بدرى.. لأن المرحوم كانت بتجيله رسايل تهديد على تليفونه وقالولوا لو مسبتهاش هنموتك

اخويا كان بيتهدد من شهر 9 من بعد ما هى رفعت قضية الخلع… واللى كان بيهدده هو عاطف الجبالى علشان كان عايز يتجوز الهانم.. ولما محصلش راح اتجوزها عرفى قبل ما تاخد حكم بالخلع.. يعنى الهانم كانت جامعه بين راجلين فى وقت واحد