تصريحات الرئيس السيسي خلال زيارته لأكاديمية الشرطة:

إيمى عاطف

 

⭕ «البلد لو اتهدت مش هتقوم».. وإحنا محتاجين 50 تريليون جنيه علشان نعرف نصرف ونغطي احتياجات الدولة..

 

⭕ لازم أحل مشكلة مصر وفقرها.. والحل قد يكون قاسي ومؤلم لكن مفيش قدامنا حل تاني. لازم نقاسي ونسعى على نفسنا..

 

⭕ لازم تفكر بدل المرة 100 مرة في اختيار النواب.. وكأنه جاي لإخواتك عريس وأنت بتفحصه..

 

⭕ ماتنتخبوش واحد علشان فلوسه حتى لو كنت أنا..

 

⭕ لو أنا أو حد تاني إديتك فلوس وقلتلك انتخبني إوعى تعمل كده.. لأنك ممكن تمكن واحد جاهل أو أحمق وده هيقلقك جدًا..

 

⭕ بقى إنتوا عاوزين تقولولي إن مصر اللي فيها 60 مليون شاب ما تقدرش تطلع 6000 زي محمد صلاح؟

 

⭕ لم أُزايد على موضوع الهجرة ولا طلبت من حد يساعدنا.. كان ممكن كام مركب يروحوا أوروبا والأوروبيين يبصولنا فنقول عاوزين كام مليار علشان نصرف على الناس دي.. لكن إحنا ماعملناش كده..

 

⭕ أنا جيت في وقت كل حاجة على الأرض، الفن على الأرض، والقيم على الأرض، والتعليم والصناعة والاقتصاد والوعي.. وده كلام صعب جدا أقوله. بس إنتوا الشباب والأمل، وما حدث في السنوات العشر الماضية هو أقصى شيء بكرم الله..

 

⭕ كان فيه رأي لما ابتديت فترة رئاستي إني ماعملش أي إجراء غير التعليم.. ولما اشتغلنا جبنا متخصصين من الجامعات ووضعوا خيارات وخطة.. حتى في فترة الحرب على الإرهاب قررنا نشتغل في كل القطاعات.

 

⭕ أنا الوحيد اللي عارف إن إيد ربنا معايا.. لأنه طبقا للمعايير الموجودة لا يمكن بناء ربع الطرق اللي اتعملت ولا ربع السكك الحديدية.. لكن بكرم الله تمت..

 

⭕ الدعم ضروري لكنه قد يجعل الاقتصاد غير قادر على التعافي.. ودعم أسطوانة البوتاجاز وحده يصل لـ30 مليار جنيه سنويًا، وعشان كده أنا تدخلت..

 

⭕ الدين بدأ سنة 1970.. وقبلها مصر لم تكن مديونة وكانت مصروفاتها تُغطّي نفسها. وبعد حرب 67 بقى فيه مصروف أكبر، ومن هنا بدأت الدولة تستلف..