خط بارليف ليس ساترا ترابى فقط بل يتكون من 22 موقعاً حصيناً، ويضم 31 نقطة داخل الارض

خط بارليف مكنش شوية رمل وتراب زي ما ناس بتحاول تقلل منه ده كان واحد من اقوى التحصينات العسكرية في العالم بعد الحرب العالمية التانية وكانوا بيسموه اقوى خط محصن في العالم

الخط ده كان طوله اكتر من 170 كيلو على ضفة قناة السويس الشرقية وارتفاعه حوالي تلاتين متر وقدامه حقول الغام بعمق كيلو كامل وكان فيه 31 نقطة حصينة عبارة عن ملاجئ خرسانية مسلحة تتحمل القصف وانفاق تحت الارض لحرية الحركة ومواقع نيران في كل اتجاه وانابيب نابالم كانوا مجهزينها يولعوا بيها القناة وكمان مرابض دبابات ومدرعات فيها حوالي 100 جندي في كل نقطة

العبقرية المصرية ظهرت في فكرة اللواء باقي زكي يوسف لما استخدم مضخات الميه عشان يعمل فتحات في الساتر الترابي لكن الفكرة دي مكنتش وحدها اللى جابت النصر .. الحرب بدأت بتمهيد مدفعي وصاروخي ساعة كاملة وفي نفس الوقت ابطال مصريين عملو عمليات بطولية عشان يسدوا فتحات النابالم وبعدها اتعملت 22 نقطة عبور على طول الجبهة تحت حماية الطيران المصري اللى كان بيدك الحصون

بعدها حصلت المعجزة .. اسرائيل كانت متأكدة ان عبور فرقة واحدة هيحتاج 48 ساعة.. المصريين عبروا 30 الف جندي في

3 ساعات ونص بس وبعد 6 ساعات خط بارليف كله وقع وبعد 18 ساعة كان فيه ١٠٠ الف جندي والف دبابة على الضفة الشرقية

المصري حارب وانتصر بشرف وبدمه وعرقه وعشان كده من حقنا نفتخر ومحدش يقلل من اللى عملناه ولا من دم الشهداء سلامك النهاردة مش ببلاش ده تمنه اتدفع من اجدادك 🇪🇬