حكايات من 6 أكتوبر

اعتقد في ناس كتير متعرفش مين الراجل اللي في الصورة ده.

ايمان العادلى

حكايته باختصار إنه عالم مصري .

عالم مصري فذ.

عالم مصري قدر يغير التاريخ .

 

عمل إيه؟

اثناء الاستعداد لحرب اكتوبر ، الاتحاد السوفيتي عمل معانا حركة ندالة ووقف إمداد مصر بوقود الصواريخ .

وده الوقود اللازم للدفاع الجوي ، واللي هيكون حائط صد أمام الطيران الإسرائيلي ويمنعه من مهاجمة القوات المصريه .

 

ومن غيره هتكون سماء مصر مفتوحة ومعرضه لأي هجوم.

 

وبسبب الوقود ده ، كان ممكن باختصار يتم الغاء او تأجيل قرار الحرب .

 

وقتها اتقلبت الدنيا في القياده العامة ، بحثاً عن الوقود اللازم .

وللأسف لم تستطيع مصر من توفير الوقود من الخارج .

ف تم عقد اجتماعات للنظر في كيفية تصنيع الوقود محلياً في المصانع الحربيه .

وكانت التكنولوجيا دي مش موجودة في مصر أنذاك.

لغاية ما تم اقتراح اسم عالم مصري متخصص في أبحاث البترول .

 

الدكتور محمد يوسف سعادة.

وهو استاذ مساعد في المعهد القومي للبحوث ، وكان عمره وقتها 35 سنة.

 

وتم استدعاء الدكتور محمد ، وتم تبليغه بالمطلوب .

 

علشان يقفل علي نفسه المعمل ، ويدخل وسط الابحاث والتجارب ، لغاية ما يقدر انه يفكك الوقود العضوي ، ويحوله الي وقود للصواريخ.

 

بحث علمي إعجازي، واستطاع انه ينتج كمية الوقود المطلوبة في فترة قياسية.

 

علشان يكون سبب رئيسي في اتخاذ قرار الحرب.

ويساهم في انه يحمي سماء مصر من العدوان .

 

الدكتور سعادة.

ابن مصر البار.

خدم بلده في هدوء و رحل ايضاً في هدوء .

الله يرحمه

…