لغز_جريمة_الشعبة

إيمى عمرو

#جرائم_غامضة .

من المملكة العربية السعودية

☆★☆

الجريمة فوق مستوى تحمل الأعصاب.

☆★☆

الزمان: يوليو 2020

المكان: المملكة العربية السعودية.

أسرة علي عباس الفرج أسرة متفاهمة جدًا ومسالمة ومحيوية،

أسرة كبيرة مثالية .

على عباس عمره 49 سنة ،

زوجته اسمها فاطمة وعندهم 10 أبناء.

الكبيرة ، بنت اسمها غفران، عمرها 22 سنة وأصغرهم طفل عمره عام ونصف.

عايشين في حي اسمه حي الشعبة في محافظة الإحساء .

لكن على عباس من وقت ما أسرته بدأت تكبر وتزيد في أفرادها كان حلم حياته في بيت أوسع وفي مكان أفضل.

وبالفعل بنى بيت الأحلام لأسرته في حي الصفا المجاور .

كانوا بيضعوا اللمسات الأخيرة فيه قبل ما ينقلوا هناك .

 

يوم 14 يوليو عام 2020

على عباس قرر يروح يشوف البيت الجديد هو وزوجته.

أخدوا معاهم الأطفال الخمسة الأصغر وتركوا البنات الأربعة الأكبر

واللي أعمارهم من 14 إلى 22 سنة مع اخيهم مؤيد وعمره 20 سنة.

قيل المغرب علي وأسرته رجعوا لبيتهم في حي الشعبة وبدأوا يطرقوا الباب ،

مغيش حد رد .

الباب مقفول من الداخل والتليفونات بتاعتهم مش بترد.

علي وزوجته قلقوا مع تكرار الطرق على الباب وعدم الرد.

على اتصرف وطلع فوق سطح البيت ونزل من السلم الداخلي وهو بينادي على أولاده لكن بدون رد .

والغريب أن ماكانش فيه حد في البيت .

بدأ يبحث عنهم والقلق بينهشه لحد ما دخل غرفة من غرفهم وهناك شاف الهول.

كاد يفقد عقله ،

ما صدقش اللي شافه ،

قكر أنه يتوهم ،

جري على باب البيت،

فتح لزوجته فاطمة اللي دخلت تشوف ولادها

فاطمة جريت على غفران على الأرض،

قالت لها حاجة و لم تتمالك نفسها وسقطت مغشى عليها من هول الموقف.

 

رجال الشرطة السعودية أنفسهم لما

حضروا وشافوا المنظر كانوا في ذهول .

اول مرة في حياتهم يشوفوا منظر مشابه.

مذبحة مروعة في الغرفة.

أربع فتيات بينزقوا دم من رقابهم

الأربعة مطعونين بسكين في رقابهم طعنات قاتلة .

اما مؤيد فلم يكن مطعون بسكين في رقبته .

كان معلق فوقهم مشنوق بحبل في سقف الغرفة وكان جثة هامدة.

مفيش أي كلام يوصف مشاعر على عباس وزوجته فاطمة واطفالهم الخمسة الأحياء واللي شافوا اخواتهم في المنظر دا.

الأغرب من الجريمة هو اللي اظهرته تحقيقات الشرطة.

ركز معي كدا وحاول تستنتج بنفسك

أي معلومة

لكن قبل ما اكمل عاوز اعرفك ان لما فاطمة دخلت الغرفة

غفران كان لسة فيها نفس،

فاطمة لقتنتها الشهادة وقبل ما تقول أي حاجة

لفظت أنفاسها الأخيرة.

 

▪︎ أبواب ونوافذ البيت سليمة تمامًا مفيش أي محاولة اقتحام !

▪︎ كامبرات المراقبة لم تظهر أي دخيل في البيت طول الوقت !

▪︎ مفيش أي آثار عنف في اي مكان في البيت ولا أي شيء مسروق ولا أي بنت تم الاعتداء عليها !

▪︎ مفيش أي كدمات ولا خرابيش ولا أي أثر في أجساد البنات الأربعة ولا اخيهم مؤيد تدل على أي مقاومة للقاتل ولا للقتل !!!

تخيلت الموقف كله ؟!

علشان كدا الجريمة مثلت لغز ضخم أمام السلطات السعودية وما حدش قدر يتوصل لأي حل ليه لوقت طويل .

طبعا من نافلة القول إني أقولك أن الشرطة فحصت بشكل دقيق كل معلومة ولو تافهة مرتبطة بعلي عباس وزوجته وعلاقاتهم بكل الناس وأولادهم الخمسة وملقوش أي طرف خيط يوصل لأي حاجة.

 

لكن حاجة واحدة فقط كانت مريبة إلى حد ما ..

أولًا تاريخ الجريمة 2020 يفكرك بإيه؟

رعب كورونا اللي اجتاح العالم كان في قمته.

الناس كانت مقيمة في بيوتها 24 ساعة بدون خروج تقريبًا .

مؤيد وأخواته كانوا أغلب الوقت بيلعبوا ألعاب إلكترونية،

ألعاب عنيفة خاصة مؤيد نفسه .

فيما بعد خبيرة نفسية اتكلمت في قناة سعودية وقالت أنه قد يكون لتلك الألعاب أثر نفسي مدمر هو اللي أدى لأن يقوم الولد بقتل اخواته

وبعدين ينتحر شنقًا.

هي دي الفرضية الوحيدة اللي تم طرحها لحل لغز الجريمة الغامضة .

أنا عندي فرضية أخرى هقولهالكم في أول تعليق.

القضية ما زالت مفتوحة وما حدش توصل لحل حاسم فيها .

تمت.

منتظر آراؤكم واللي عنده أي نظرية التفسير يكتبهالنا في تعليق .