صحيفة معاريف العبرية نشرت تحليل مطول عن الرئيس عبد الفتاح السيسي ووصفته بفرعون حديث
ايمان العادلى
وقالت انه بيعيد صياغة ملامح مصر والمنطقة
المقالة رجعت للتاريخ وقالت ان الجيش هو اللي ماسك السلطة من وقت محمد علي والسيسي امتداد للتقليد دا
وكشفت ان السيسي قضى على مشروع الإخوان في 2013 ورجع الجيش للحكم زي ما حصل مع الملك فاروق قبل عقود
المقالة ركزت بشكل خاص على سيناء وازاي السيسي قدر يغير المعادلة هناك وقالوا انه استعان بالقبائل المحلية ونفذ عملية شاملة قدرت تقضي على التنظيمات اللي كانت موجودة
كمان اتكلموا عن صفقات كبيرة وقالوا انه حصل على غواصات متقدمة بتأثر على توازنات مع تركيا والكيان
المقالة ربطت السيسي بعبد الناصر والسادات ومبارك وقالت انه بيكمل سلسلة الحكام العسكريين لكنه بيشتغل بسرعة علشان يحقق مشروع مصر الجديدة قبل 2030
في نفس الوقت عرضت ازاي قدر يحول ملفات صعبة لمكاسب سياسية وزي ما وصفوه انه بيحسب كل خطوة بمقياس مصلحة الدولة والجيش مش الطوائف ولا الدين
معاريف ختمت المقالة بجملة قوية ان السيسي بالنسبة لهم هو الفرعون الجديد اللي محدش يقدر يقف قدامه
التعليقات مغلقة.