السفاحة الأخطر في القرن ال٢١

إيمى عمرو

الست الي قدامك ديه شيطان على هيئة بشر ، لدرجة أن المحققين وصفوها بالسفا_حة الأخطر في القرن ال٢١

 

الحكاية بدأت سنة ٢٠١٤ في أمريكا ، لما دخل ٤ شباب قسم الشرطة وهما في حالة توتر وفزع

 

الظابط سألهم ايه الحكاية ، قالوله ان هما جايين يبلغوا عن اختفاء والدهم الي بقاله خمس شهور ميعرفوش عنه حاجة ، فا طلب منهم يهدوا ويفهموه الحكاية

 

بدأ الأربع شباب يحكوا للظابط التفاصيل ، الأب المُختفي اسمه روبرت هايني ، مُنفصل عن مراته الي هي امهم من زمن ، روبرت لما انفصل عن مراته خد ولاده وتكفل بتربيتهم لحد ما كبروا

 

لكن لما الشباب ديه كبرت كل واحد فيهم شق طريقه وساب البيت وقرر يستقر لوحده وكانوا كل حين والتاني يتواصلوا مع والدهم يتطمنوا عليه

 

لحد ما جت فترة وزهق روبرت من العيشة لوحده فا قرر يبيع البيت ويشتري كرڤان ، والي فيكم ميعرفش الكرڤان فا بيبقي عبارة عن عربية وفي نفس الوقت بيت يقدر يتنقل بيه في اي حته

 

بالفعل اشتري روبرت الكرڤان وكان بيتنقل بيه في كل حته شوية لحد ما يجي في يوم وهو بيحط بنزين يلاقي ورقة على الأرض كانت إعلان في البنزنية مكتوب فيها

” اهلاً ، انا اسمي سوزن ، عندي مزرعة في وسط غابة ومحتاجة حد يساعدني في اعمال المزرعة ”

 

كانت كاتبة في الاعلان عنوان المزرعة وكمان رقم تليفونها ، روبرت لما عرف موقع المزرعة عجبه جدًا ، لأنه كان مكان منعزل وهادي في وسط الغابة ويقدر يحط فيه الكرڤان بتاعه

 

بسرعة اتصل بـ سوزن وقالها أنه شاف الإعلان وعاوز يشتغل في المزرعة بل إنه كمان مش عاوز اي مقابل ، بـ استثناء طلب واحد بس ، وهو انك تسبيني اركن الكارڤان بتاعي في اي حتة في المزرعة و اسكن هناك ، ومش عاوز منك اي فلوس

 

وافقت سوزن على طلب روبرت الي راح المزرعة وفهم منها الاعمال الي هيقوم بيها وخصصتله مكان للكرڤان بتاعه زي ما اتفقوا

 

في اليوم الي استلم فيه الشغل اتصل على اولاده وعرفهم كل حاجة والأمور مشيت طبيعية وكان كل حين والتاني كالعادة يتواصل معاهم يتطمن ويتطمنوا عليه ، لحد ما فجأة يتقطع التواصل مع والدهم نهائيًا

 

حاول الاولاد الاربعة يتواصلوا مع والدهم بكل الطرق لكن مكنش فيه اي استجابة سواء بالاتصال او بالجوابات ، لحد ما يقرروا انهم يروحوا المزرعة يفهموا ايه الي بيحصل … كل الكلام ده الشباب بيحكوه للظابط وهما معاه في المكتب

 

وصلنا المزرعة الي كان شكلها وحش جدًا ، ريحة كريهة لا تحتمل وفوضي وكراكيب في كل مكان ، فضلنا ننادي على والدنا لحد ما خرجتلنا سوزن ، سألناها عنه قالتلنا أنه اختفي من ٥ شهور وانها مفتقداه جدًا وكان باين عليها التأثر والحزن

 

سألوها عن الكرڤان بتاعه وجهتهم لمكانه ، لكن الصد.مة هنا انهم لقوا ان كل متعلقات والدهم الشخصية موجودة في الكرڤان ، ده حتي الكلب بتاعه موجود ، استغربوا جدًا ازاي ابوهم مختفي وازاي كل حاجته موجودة ، امال هو راح فين!

 

الموضوع كان غريب ويثير القلق وعشان كده راحوا لقسم الشرطة وحكوا كل التفاصيل الي قولناها ديه للظابط ، اول لما سمع منهم الحكاية طلع بسرعة على المزرعة بتاعت سوزن

 

الشرطة لما وصلت استغربوا شكل المزرعة الي كانت كبيرة بشكل مش طبيعي وفي منطقة معزولة والفوضي والز..بالة في كل مكان ، لدرجة ان الظابط الي كان بيصور قال انا حسيت نفسي جوا فيلم رعب

 

خرجتلهم سوزن وسألوها عن روبرت وقالتلهم نفس الكلام الي قالته لأولاده ، وفي النهاية مقدروش ياخدوا منها اي معلومة لكنهم كانوا شاكين فيها

 

رجع الظباط على القسم وبدأوا يدوروا على اي خيط يوصلهم لـ روبرت وهنا قرروا يشوفوا الفيزا بتاعته اخر مره اتسحب فلوس بيها امتي وفين، بس الصدمة هنا انهم لقوا ان اخر عملية شراء بالفيزا كانت من شهرين رغم ان روبرت مُختفي بقاله ست شهور

 

بسرعة راحت الشرطة على عنوان المحل الي تمت فيه عملية الشراء وبدأوا يراجعوا تسجيلات الكاميرات من شهرين ،وهنا توضح كل حاجة ، الي كان موجود في المحل وبيستخدم الفيزا هي سوزن

 

فورًا تطلع الشرطة مُذكرة تفتيش لمزرعة سوزن ويروحوا المزرعة يفتشوها لمدة ساعات بدون ما يلاقوا اي حاجة مش طبيعية فيها ،لحد ما يصر..خ فجأة واحد من الظباط لما شاف قدامه صوابع رجل بشرية خارجة او بارزة شوية من تحت الارض

 

يحفر في المنطقة الي فيها الصوابع عشان بالفعل يطلع منها رجل بشرية لإنسان ، بسرعة يتم القبض على سوزن و يبعتوها قسم الشرطة للتحقيق معاها ويكمل الظباط تفتيش ومعاهم الخبراء الجنائين

 

واثناء البحث يلاقوا كومة من الجزم والشباشب بمقاسات مختلفة ، يعني بمعني اصح لأشخاص مختلفين وخليك فاكر التفصيلة ديه عشان هنرجعلها تاني

 

سوزن في قسم الشرطة رفضت تتكلم لكن بعد الضغط بدأت تعترف وتقول ، انها صحيت في يوم كالعادة عشان تشوف امور المزرعة وفجأة وهي بتتمشي لقت الخناز..ير بتوعها ملموين حوالين حاجة

 

راحت تشوف ايه الي بيحصل عشان تلاقي أن الخنا..زير بتاكل في روبرت وهو لسه حي وفيه الروح ، سوزن بدل ما تنقذه دخلت جابت البندقية بتاعتها، وخلصت عليه ، سوزن قالت للمحققين في التحقيق انها عملت كده بدافع انها تخلصه من الألم الي كان فيه

 

بعد ما عملت كده قلعت روبرت الهدوم بتاعته عشان الخنا..زير تاكل براحتها ،تاني يوم جت خدت الي فضل من اعضاءه ورميتها في الغابة ، حيوانات الغابة اكلت الاعضاء ديه وفضل منهم الرجل الي لقوها الظباط

 

طبعًا الحكاية كانت صاد..مة للمحققين مش مستوعبين البشا..عة ، سألوها هل روبرت الوحيد الي عملتي معاه كده؟

 

لكن الغريب ان سوزن طلبت ورقة وقلم ورسمت المزرعة بتاعتها وفي مكان معين عملت عليه اكس ، ورفضت بعدها الكلام نهائيا

 

بسرعة راحت الشرطة المزرعة وحفروا في المكان الي هي علمت عليه عشان يلاقوا كمية كبيرة من الأعضاء البش..رية مدفونة فيه ، ويتضح ان سوزن كانت كل فترة تنزل إعلان تطلب شخص يشتغل في المزرعة

 

بعد ما تزهق من الشخص ده تقتـ..له وتأكله للخناز..ير بتاعتها وتجيب غيره لحد ما قتـ..لت ١٧ واحد بنفس الطريقة ، وده كان تفسير الجزم والشباشب الي لقوها عندها في المزرعة ، كل جزمة كانت لشخص مقـ..تول

 

بعد التحقيقات والتحريات يتحكم على سوزن بالسجن المؤبد واتصنفت كا واحدة من اخطر السفاحـ..ين.