حبس بيتر شحاته سنتين وغرامة 200 الف جنية فى قضية تهديد مارينا صموئيل 

ايمان العادلى

 

حكمت محكمة جنايات اسيوط يوم 8 سبتمبر على بيتر شحاته بسنتين حبس و 200 ألف غرامة في قضية تهديد مارينا صموئيل

 

كنا كتبنا فى شهر مارس 2025 قصة مارينا صموئيل وعن تعرضها لتهديد من بيتر شحاتة وبتطلب الحماية!

 

مارينا صموئيل، صيدلانية من أسيوط عندها 27 سنة؛ من سنة 2019 ومارينا كانت بتتعرض للمضايقات والتحرش اللفظي والتهديد الالكتروني من شخص اسمه بيتر شحاتة فهيم ساويرس، طالب في كلية هندسة جامعة اسيوط

 

بيتر شحاتة قدر يجيب رقم تليفونها والفيسبوك بتاعها وكان بيبعت لها رسائل تهديد على الفيسبوك وعلى الواتس بانها لو ما حبتهوش زى ما بيحبها هايعمل فيها كذا وكذا، ده غير الألفاظ البذئية جدا اللى بيكتبها.

 

مارينا اكتشفت ان الولد بيعمل كده مع بنات كتير بعتولها يحكوا لها اللى حصل معاهم لما نشرت الموضوع على صفحتها، بس هم لظروف خاصة مش قادرين يكتبوا عن اللى بيحصل لهم.

 

ومش كده وبس، ده كمان كان ابتدى يتعرض لها فى الشارع.

 

مارينا عملت شكوى فى المجلس القومى للمرأة فى مارس 2025، وقدرت تأخد حقها.

 

مارينا رفضت تسيب حقها، واكتر واحد كان بيدعمها بعد اهلها هو خطيبها اللى وقف جنبها طول الفترة دى.