البطوله السوداء

إيمى عاطف

قت*ل مراته فزعل وراح قتل طليقته عشان هيا اللي تستاهل تموت!

 

القصة دي حصلت في أمريكا سنة 2011، والبطولة السوداء كانت لراجل اسمه توماس إل. هاردي (Thomas Hardy).

 

في البداية، الراجل كان متجوز وعايش مع مراته حياة فيها شد وجذب. في يوم، حصل خلاف بينهم في البيت، الراجل فقد أعصابه وبدأ يطعن مراته بشكل هستيري لحد ما ماتت في الحال.

 

بعد ما خلص، وقف مصدوم من اللي عمله، وابتدى يحس إن مراته “مستحقتش تموت بالطريقة دي”. يعني ندمه كان حقيقي لحظة، بس بدل ما يسلم نفسه أو يطلب إسعاف أو أي تصرف عاقل… فكر بطريقة أبرد من التلج.

 

قال لنفسه: “مراتي مكنتش تستحق الموت… لكن طليقتي؟ دي اللي تستاهل!” 😳

 

الراجل ركب عربيته وسافر مسافة 152 كيلومتر لولاية تانية مخصوص عشان يوصل لطليقته.

 

الطريق خد ساعات، وده معناه إنه كان عنده وقت طويل يراجع نفسه، أو يوقف الكابوس اللي بدأه… لكن هو بالعكس كان مصمم، وكل دقيقة بتثبت إنه مقتنع بالجريمة التانية أكتر.

 

أول ما وصل، دخل على طليقته ونفذ اللي كان ناوي عليه… طعنها هي كمان لحد ما ماتت.

 

بعد ساعات من الجريمة التانية، الشرطة قدرت توصّل له وتقبض عليه.

المحاكمة كانت صادمة للمجتمع كله، لأن القاضي والمحققين أكدوا إن الراجل ما كانش بيمر بحالة “فقدان عقل مؤقت”، بالعكس كان واعي جدًا بكل اللي بيعمله، وسافر مسافة طويلة بإصرار شديد عشان يكمّل الدم.

 

اتحكم عليه بالسجن المؤبد من غير إفراج مشروط.