السلام عليكم.. انا متزوجة بقالي تلات سنين و معايا طفلة صغيرة.. هحاول اسرد بعض النقاط اللي ظهرت من زوجي تجاهي خصوصا وقت الخلاف :
= معايرة دائمة أنه بيجيب حاجات للبيت
= لو وصلني بعربيته توصيلة يجي بعدها يقولي منا لسه موصلك و لما عاتبته قبل كده على القصة قالي لفظاً: انا مش اوبر عشان اوصلك ده كرم مني أصلا اني ركبتك عربيتي انا مرة سبت واحدة زمان عشان كانت عايزاني بردو اوصلها!! لدرجه بقيت بتعمد اتهرب اني ما اطلبش منه أي مساعده بخصوص اي مشوار و بقيت اركب مواصلات و ما ابينش اني محتاجه له أبدا
= معايرة بانفصال أبويا و امي و لفظاً بقى يتقالي انتي خارجة من بيت فيه طلاق و كأن ده وصمة عار عندي !!
= معايرة بالمكان اللي كنت عايشة فيه قبل جوازي لأنه منطقتي شعبية !
= إذا عاتبته على اي غلط غلطو ف حقي بقى يستخدم كتير معايا جملة ” انتي مصدقة نفسك ” ” انتي بتكذبي الكذبة و تصدقيها” و لما مرة قولتله عيب تكلمني بالاسلوب ده و ما يصحش بدأ يهاجمني بروايات عني مش حقيقية و كلها كذب !!
= و كل مرة اسمع عن نفسي رواية شكل مش صح !!
= عمل فتنة بيني و بين أهله مع انه علاقتي بيهم كانت جيدة و كانوا بيحبوني و راح قالهم اني عايزة اقاطعهم و جيه حكالي و قالي معرفش عملت كده ازاي و طلب مني بعدها اني اكلمهم ف التلفون و أنه هيتدخل و يقولهم أنه غلط ف حقي و أنه مكانش يقصد و لما عملت كده فعلا و ادامهم قالي لاء انتي قولتي عليهم كده فعلاً!!!
= مؤخراً بدأ يبقى فيه شتيمة بالاهل و سب دين و طريقة كلام انا حرفياً مش متربية عليها و لا عيلتي كده و للاسف الشديد ده ما بانش ابدا ف فترة الخطوبة!!
سؤالي موجه للشباب اللي موجودين معانا ف الجروب هل ده يصلح يكون سند و شريك حياة حقيقي
انا نفسياً بنفر من الكذب المتواصل و التلاعب
و عارفه أنه الشباب بيفهمو دماغ بعض اكتر
هل ده يصلح يكو
ن شريك حياة سوية ؟؟
رد بريد قراء بوابه العاصمة
نرجسي خام
ولا يصلح طبعا
آمني نفسك ماديا
اشتغلي لو مبتشتغليش
اكيد واخد دهبك من غير ما اسألك
هو شخص غير مسئول واناني وبيسقط عليكي كل عيوبه وهيسوء علاقتك بكل الناس
واهله عارفين عيوبه وشخصيته وهما اصلا الي مربينه علي كده
وهتشوفي منهم قلب ترابيزه ودفاع عن ابنهم مستميت
فأحسن حل ليكي انتي لسه علي البر
متخلفيش تاني
وفكري ازاي تطلعي من الجوازه دي بأقل خساير ممكنه
اكتشاف المزيد من بوابة العاصمة
اشترك للحصول على أحدث التدوينات المرسلة إلى بريدك الإلكتروني.
Регистрация доступна даже через зеркало казино