كيف تواجهين الخيانة الزوجية
بقلم د : آمال إبراهيم
استشاري العلاقات الأسرية
اشتغلي على تقدير ذاتك
إفهمي إنك مش السبب في اللي حصل.
تغيير شكلك (قص شعرك، خسسان، لبس جديد) ممكن يساعدك تتجاوزي الألم النفسي، لكن مش هو الحل الجذري. وخصوصا أن كتير بتكون الطرف الثالث لاعب احلي منك ولا افضل !؟
خدي وقت مع نفسك
اسألي نفسك بصدق: هل أقدر أكمل ولا لأ؟
اكتبي أسباب كل قرار، وحددي مين ممكن يساعدك ويدعمك عشان تخرجي من الأزمة.
احكي للي ينفع
بلاش تتكلمي عن الخيانة مع كل الناس.
خلي كلامك مع متخصص أو شخص عاقل فعلاً، رأيه يفرق ومش هيزود المشكلةويتسم بالأمانة
الكلام عن مشاكلك مع الشخص الغلط كانك “بتدواي جرح في مكان ملوث عمرة مايخف”الجروبات العامة
ابعدي عن التفاصيل
التفاصيل المؤلمة مش هتضيف غير وجع جديد.
التركيز على كل كلمة أو تصرف وتفاصيل الخيانة تزيد من الالم .ولن تفيد بشي .
.”لا تسألوا عن أشياء إن تبد لكم تسؤكم”
احمي أولادك
لو فيه أطفال، المناقشات والخلافات لازم تكون بعيد عنهم.الجروح اللي بتتزرع جواهم بسبب المشاهد دي ما بتتداويش بسهولة.
خدي قرارك بوعي
القرار في إيدك إنتِ وحدك.
لو قررتِ تكملوا: لازم يكون عندك استعداد للاستمرار من غير شكوك ومشاكل يومية.
ساعات بتكون نزوة ومع الوقت بتمر، بشرط إنك تتحكمي في مشاعرك وردود أفعالك.ووضع حدود جديدة تضمن عدم التكرار
لو قررتِ تنهي العلاقة: خدي القرار بهدوء يعني بلاش القرارات الفورية ادي نفسك فرصة تفكري وبعدين الموضوع في ايدك …تقيمي الأمور بشكل واعي
اسئلة مهمة هل الخيانة اول مرة ؟
هل اتاكدتي فعلا ولا شكوك؟
هل لو تتطلقتي تقدري تعيشي مع أطفالك من غير مشاكل مالية ؟
هل لديك من يقف معك ويساندك في رحلة الحياة ؟
الخيانة جرح يترك ندبة يمكن أن يشفي بشرط رغبة الطرفين في الإصلاح مع الوضوح الكامل .
https://shorturl.fm/R2okm