تحذيرات عالية الخطورة من موجة شديدة الحرارة لاهبة قاسية وهي الاقوى من سنين وخلال الصيف الحالي وارتفاع حاد في درجات الحرارة في الايام الجايه

ايمان العادلى

ايه سبب الموجة دي؟ وليه اقوى من اللي فاتت؟

شوف يا صديقي فالموجة دي هيتم تسجيل فيها درجات حرارة قد تكون تاريخية وده يرجع لتمدد منخفض الهند الموسمي بشكل واسع مع دعم رطوبي مداري بسبب نشاط منخفض السودان الحراري بالتزامن مع وجود مرتفع مداري علوي اللي هيعمل على تشكل القباة الحرارية ودي ظاهرة بتحبس الهواء الساخن قرب سطح الارض وبتمنع صعوده لاعلى وحدوث عملية التبريد ومع استمرار التسخين بترتفع درجة حرارته اكثر وبالتالي فالاجواء شديدة الحرارة الرطبة حاضرة على كافة الانحاء خلال الايام الجايه

درجات الحرارة على السواحل الشمالية هتقترب من 40 درجة مئوية وفي مناطق ممكن تلامسها كمان ودرجات الحراة اعلى في الدلتا والقاهرة واللي هتكون من بداية 40 درجة مئوية وحتى 46درجة مئوية وفي الصعيد حدث ولا حرج وفعليا درجات الحرارة ببعض مناطق جنوب الصعيد هتلامس 50 درجة مئوية ودي درجات الحرارة المسجلة في الظل والمحسوسة اكبر من كده وبل تحت اشعة الشمس فدرجة الحرارة بشكل مباشر هتلامس 60 رجة مئوية وقد تتجاوزها في مناطق ومش عايز اصدمك بس في شرق اسوان قد تصل الى 70 درجة مئوية تحت اشعة الشمس فده هيعمل على تلف اسفلت الطرق وعجلات العربيات اللي هتمشي عليها ودرجات الحرارة تحت اشعة الشمس بشكل تقريبي في العموم

اللي قولته ليك يوضح قد ايه هيكون الطقس صعب ومتطرف خلال الايام الجاية وذروة الموجة شديدة الحرارة يومي الاربعاء والخميس ومن يوم الجمعة في مؤشرات على انكسارها بشكل تدريجي وهو غير مؤكد حتى اللحظة دي

فياريت ناخد بالنا واحياطنا بعدم المشي تحت اشعة الشمس بشكل مباشر بدون غطاء على الرأس من الساعة 11 صباحا وحتى الساعة 5 بعد العصر ونلبس ملابس فاتحة من الالوان الابيض والاحمر والبرتقالي والاصفر لان لها قدرة عالية على عكس اشعة الشمس ولكن الالوان الغامقة والازرق والاسود فلها قدرة عالية على امتصاص اشعة الشمس