نصائح هامه لجمالك

إيمى عاطف

١- قبل ما تنامي، سرحي شعرك لقدام وسيبيه كده شوية، ولو تقدري تعملي ضفيرة قبل النوم هيبقى أحسن، ده بيساعد الشعر يطول ويحافظ عليه من التقصف.

 

٢- بلاش تضيعي فلوسك على البروتين، لأنه بيفسد الشعر أكتر ما بينفعه. بالمبلغ ده هاتي منتجات كويسة واهتمي بشعرك طبيعي، هتلاقي نتيجة أحلى بكتير.

 

٣- حبّي شعرك زي ما هو، سواء ناعم أو كيرلي أو ويفي… إحنا كمصريين شعرنا فيه كل الأنواع وده طبيعي جداً ومش عيب.

 

٤- زيت جوز الهند للشعر هيفرق معاكى فى كل حاجه سواء حمام أو دهان

 

٥- لازم يكون عندك زيت جونسون لترطيب الجسم عارفه انك بتستخدمى لوشن بس دا معاه بردو، وممكن تضيفى عليه اى زيت عطرى يعنى زيت ليه ريحه بتحبيها زى اللافندر أو العود أو المسك مثلا وده هتلاقيه عند العطار

فى بنات بتجيب زيت البرفيوم اللى بتحبه من محلات التركيبات وتحطه على جونسون هيخلى ريحتك على طول حلوة وخصوصا ف الصيف

 

٩- لازم يكون معاكى فى شنطتك اى برفيوم وانتى فى الشغل ومش لازم يكون ريحته صارخه أو ما يوازيه للبنات اللى مش بتستخدم برفيوم

 

١٠- في شوية كريمات لازم يكونوا عندك في روتينك:

جليسوليد الأحمر

سودوكريم

زنك أوليف

الكريمات دي مهمة جداً في الترطيب وتفتيح البشرة، ومش غالية خالص، تقدري تشتري واحدة في البداية وتكملي الباقي على مهلك.

سودوكريم أغلى شوية عنهم، بس فعلاً يستاهل.

 

١١- لازم يكون عندك فالحمام الحجر الخفاف بتاع القدم وتعمليه بعد كل شاور مش هياخد منك وقت

والرجل مندي وبعدها حطة كريم والبسى جوارب قطنية

 

١٢- متناميش بالميك اب ابدا

ولو مش عندك مزيل ميك اب استخدمى جوز الهند لو مش عندك حاجه اتصرفى المهم متناميش بيه

 

١٣- روحى مره فى الشهر أو حتى كل شهرين مكان فيه حمام بخار وروحى اسالى البنات هناك بيعملوه ازاى وفى اماكن رخيصه جدا طب لو مافيش استخدمى الليفه المغربى بعد الشاور الدافى وبس

 

١٤- اعملى سيروم القهوه وزيت الخروع واللوز الحلو مهم جدا للتجاعيد وده يستخدم يومياً

 

⁦١٥ استخدامى زيت جوز الهند فى كل حاجه لانه حلو جدا للبشره والشعر

 

١٦- استخدمى زيت ثوم مع زيت خروع لحواجبك لمده شهر ونص مرتين يوميا لو عايزة تعرضيهم أو يطلع شعر فى الفراغات بس اعملى قبل الدهان تدليك خفيف ودا ينفع بردو لمقدمه الرأس ( الشعر المنحول)

 

١٧- رجلك جزء لا يتجزأ من جسمك والله زى ما بتهتمى بوشك اهتمى بيها وأبسط الاهتمام النضافه والترطيب مش مطلوب تروحى تعملى حاجه غاليه لو مش مقدرتك

 

⁦١٨- تلعبى رياضة أو تمشى كل يوم ساعة