ليكى باكتب

كلمات : محمد ضاحي

ليكى باكتب

وعمري ماتعب

م الكتابه

ودمى المداد

وفيكي الميلاد

وعاش الواحد شبابه

ومهما تقسي

أو بتنسي

فيكى بردو الطيابه

فيكى عايشين

المتريشين

ويا الغلابه

وواحد بيحمي ف جيش

وأخوه على لقمة عيش

بيسعى مع أصحابه

وأمن متصان

٢٤ حصان

مهيا مش غابه

بحراوي وبورسعيدى

ونوبي ويا صعيدي

اصلهم أصل الديابه

وجامع مع كنيسة

وعدرا ونفيسة

وشيخها والبابا

ولو تفكر

مش هتقدر

ماهينوبك إلا الخيابه

بس جرب

منها قرب

هتلاقي اللى مش معمول حسابه

مصر الكنانه

واقولها بأمانه

دي المحروسة ياابه