بودينج الفواكه بالكريم كراميل

ايمان العادلى

 

المقادير:

4.5 كوب حليب (لتر)

2 باكو كريم كراميل

1 باكو بسكوت (أي نوع متوفر)

3 حبات كيوي

10 حبات فراولة

2 موز

1 تفاحة

نصف ليمونة

(ممكن نستخدم أي فاكهة مفضلة أو كمبوت)

 

طريقة التحضير:

نقطع كل الفواكه مكعبات صغيرة

نعصر نصف ليمونة على الموز والتفاح ونقلبهم كويس

نحط بودرة الكريم كراميل على الحليب ونقلبهم كويس

نرفعهم على نار متوسطة مع التقليب المستمر لحد ما يغلي

أول ما يغلي نطفي النار ونسيبه يبرد شوية مع التقليب كل شوية عشان ما يمسكش قبل ما نحطه على الفواكه

نوزع شوية من الفواكه في قاع قالب سيليكون أو أي قالب مناسب

نصب عليهم جزء من الكريم كراميل الدافئ لحد ما يغطيهم

نضيف باقي الفواكه والبسكوت المقطع، ونضغطهم شوية عشان السطح يبقى مستوي

ندخل القالب التلاجة لمدة ساعة أو أكتر لحد ما يجمد

نقلبه على طبق التقديم ونزينه بصوص الكراميل اللي في باكو الكريم كراميل

 

بالهنا والشفا