النائب عبدالمنعم إمام: الإيجار القديم عقاب اجتماعي.. وكرسي الوزارة زي كرسي الحلاق بعد شوية هيقولك نعيما

ايمان العادلى

🔴قال النائب عبد المنعم إمام، عضو مجلس النواب إن مشروع تعديل الإيجار القديم المقدم من الحكومة عقابًا اجتماعيًا.

🔷أوضح إمام خلال كلمته في الجلسة العامة اليوم أنه صاحب مصلحة شخصية لامتلاكه عقارًا، مشيرًا إلى أن الإفصاح تطبيقًا للمبادئ البرلمانية المستقرة واللائحة الداخلية.

🔷قال “إن كنا للعدل طالبين فالرحمة قبل العدل مبغية”، مضيفًا “أنا مالك عندنا مكان إيجار قديم جدي ووالدي أجروا الشقق وعارفين وقالوا لنا إنها ستورث”، مضيفًا “الحاج محمود اللي أجر مننا سنة 1990 راجل موظف محترم، طلع معاش عمره 73 سنة، يطلع بعد 7 سنين بموجب المشروع ده، مش كل الورثة، زيي أنا كده بقوله تموت قبل السبع سنين”.

🔷تساءل “أو واحد زيه في مدينة المحلة الكبرى، مدينة زي بورسعيد أو غيرها من المدن ليس لها ظهير صحراوي توديهم فين؟ هتبعتهم مدن تانية؟ هتوديهم الصحرا؟، وقال: “هذا القانون في ذكرى 30 يونيو بدل ما نصحح خطأ تاريخي نعمل عقاب اجتماعي، تموتوا قبل السبع سنين أو تطردوا في الشارع”.

🔷أضاف “اللي بيحصل ده غلط محتاج وقفة بنولع في الناس نقولهم إحنا مش معاكم ونقول لكبار السن إن المجلس ده اللي طلع قانون المسنين والحكومة ما طلعتش لائحته، كفاية عليكم كده”.

⭕تابع موجهًا حديثه للحكومة “نقيب الاطباء تكلم عن العيادات والصيدليات أنا هتكلم عن الحلاقين”، مضيفًا “كرسي الوزارة زي كرسي الحلاق بييجي يوم يقولك نعيما واللي عليه الدرو يتفضل، السيرة الطيبة هي الباقية”.