٣ ماسكات من مطبخك هيحولوا كعب رجلك لقطعة حرير

ايمان العادلى

مفيش داعي تروحي صالونات ولا تدفعي مبالغ خرافية!

جبتلك ٣ ماسكات من مطبخك هيحولوا كعب رجلك لقطعة حرير: ناعم، مورّد، وأفتح كمان!

 

١- ماسك النعومة السحرية:

• نشا + ماء ورد + نقطة ليمون.

• افردي الخليط على الكعب، سيبيه ٢٠ دقيقة، وشوفي النتيجة المبهرة من أول مرة!

 

٢- سر الملمس المخملي:

• فازلين + عصير ليمون.

• بالليل قبل النوم، حطي المزيج ولبسي شراب قطن… الصبح هتصحي تلاقي رجلك ناعمة كأنك لسه خارجة من سبا!

 

٣- سكراب الجمال الطبيعي:

• سكر + زيت زيتون + عسل.

• افركي برجلك بحركات دائرية وهتتخلصي من أي خشونة في أقل من دقايق.

 

ولو نفسك تتخلصي من الاسمرار حوالين كعب الرجل (جوزة القدم)، جربّي الماسك السحري ده:

 

ماسك تفتيح جوزة القدم الطبيعي:

• ملعقة كبيرة كركم + ملعقة زبادي + نصف ليمونة + نقطة عسل (اختياري).

• اعصري الليمونة عليهم، قلّبي كويس، افردي الخليط، سيبيه ٢٠ دقيقة، وافركي بلطف قبل الغسل.

• كرريه ٣ مرات في الأسبوع مع الترطيب بعد كل مرة (بفازلين أو زيت جوز الهند).