استربس

إيمى عاطف

 

المقادير (تكفي حوالي كيلو صدور دجاج)

 

نص كوب مياه باردة

 

2 معلقة كبيرة بابريكا (فلفل أحمر حلو بودرة)

 

معلقتين صغيرين شطة (مش هتكون حارة قوي)

 

معلقتين صغيرين ثوم بودرة

 

كمية ملح حسب الرغبة (زي كمية الثوم بالظبط)

 

رشة ريحان بودرة

 

رشة ملح ليمون

 

رشة كربونات (بيكربونات الصوديوم)

 

طريقة التتبيل:

 

1. قطعي صدور الفراخ شرائح متوسطة (استربس).

 

2. اغسليها كويس بمية وليمون وملح.

 

3. في نص كوب مية باردة، اخلطي البهارات كلها كويس (البابريكا، الشطة، الثوم، الملح، الريحان، ملح الليمون والكربونات).

 

4. انزلي صدور الدجاج على التتبيلة دي وقلبّيهم كويس عشان كل القطع تتغلف.

 

5. خليهم في التلاجة من 3 ساعات لحد 12 ساعة عشان يمتصوا التتبيلة.

 

—

 

لبردنج القلي:

 

نص كيلو دقيق

 

رشة ملح (حوالي معلقة صغيرة)

 

معلقة صغيرة بيكنج بودر

 

معلقة كبيرة نشا

 

معلقة صغيرة فلفل أبيض

 

رشة ريحان

 

معلقة صغيرة ثوم بودرة

 

طريقة التحضير:

 

1. انخلي كل مكونات البردنج مع بعض كويس.

 

2. غطي صدور الدجاج المتبلة بالبَرْدنج (خليها تتغلف كويس) وقلبّيها 10 مرات من تحت لفوق عشان البردنج يتوزع كويس.

 

3. انزلي قطع الدجاج في ماء بارد لثواني بس (ده عشان تتماسك الطبقة الخارجية).

 

4. طلعيها وقلبيها تاني في البردنج بسرعة.

 

5. سخني زيت غزير وقلي الاستربس لمدة 4 دقايق على نار متوسطة-عالية لحد ما يبقى لونهم دهبي ومقرمش.