العاصمة

وأنا صغيرة

0

متابعة أحمد.زينهم

 

بقلم سمر يوسف

 

وأنا صغيرة كنت فاكرة إن الكبار دول ما بيعيطوش

وما بيغلطوش

وما بيحبوش الحاجات السخيفة اللي إحنا بنحبها

زي البلالين… والمراجيح… ورش الميّة من البلكونة .

كنت فاكرة إنى لما أكبر

هأبطل أقول “مش عايزة أنام”

وأبطل أنده على ماما في كل حاجة

وإنى هأبطل أصدّق إن كلام الحواديت بيتحقق..

و كبرت…

واكتشفت إننا بنكبر لكن الطفل اللى جوانا مابيكبرش

وبدل ماكنت بأعيط على كل حاجه عشان اخدها ..

نضجت..

وبقيت أعيط كتعبير عن مشاعرى.

نضجت ..

وبقيت أغلط بس أعتذر.

نضجت..

بس بقيت انا اللى باكتب الحواديت واحكيها ..

نضجت ..

بس لسه بأفرح بالبونبوني زي زمان وباخبيه فى شنطتى.

نضجت ..

ولسه بحب انفخ البالونه

بس بقيت اعرف اخلى بالى منها لا تفرقع ..

نضجت..

ولسه بألعب وبحب اللعب

بس وأنا عارفة قوانين اللعبة..

 

وبقيت كل مااقف قدام المرايا اشوف البنت الصغيرة ام ضفيرة اللى كانت فاكرة إن الدنيا وردي

وآخدها فى حضنى واطبطب على خدَّها الرقيق ..

إحنا كبرنا بس ماسكين الطفل اللى جوانا من إيده جامد..

وكل شويه نبتسمله ونطمنه ونقول له

“مهما كبرت… مش هسيبك..”

 

النضج اننا نفضل نلعب بنفس الجديه اللى كنا بنلعب بيها واحنا اطفال..

طبطبوا عالطفل


اكتشاف المزيد من بوابة العاصمة

اشترك للحصول على أحدث التدوينات المرسلة إلى بريدك الإلكتروني.

اترك رد

يستخدم هذا الموقع ملفات تعريف الارتباط لتحسين تجربتك. سنفترض أنك موافق على ذلك ، ولكن يمكنك إلغاء الاشتراك إذا كنت ترغب في ذلك. قبول قراءة المزيد

آخر الأخبار
اهالي الفشن يطالبون بتطبيق المخطط الاستراتيجي على أرض محلج القطن بعد النجاح الكبير الذي حققه الطرح الاول وزير الصناعة والنقل يعلن إطلاق الطرح الثاني بمدينة الجلود با... المجلس الأعلى للنيابة الإدارية يعقد اجتماعه الأول بتشكيله الجديد وزير الرياضة ومحافظ القاهرة يفتتحان الملعب الخماسي بمركز شباب شبرا مصر ضمن جولتهما التفقدية للمنشآت الرياضية والشبابية بالقاهرة.. وزير الرياضة ومحافظ القاهرة يتفقدان المرك... وزير الرياضة ومحافظ القاهرة يبدأن جولة افتتاحات لمنشآت رياضية جديدة بمحافظة القاهرة ويستهلان جولتهما... بحضور وزير الشباب والرياضة ومحافظ القاهرة .. افتتاحات ، مراكز الشباب تتالق فى العيد القومي 1056 للقا... سفير الجزائر : 5 يوليو ذكرى النصر في زمن التحديات انعقاد فعاليات "أمسية شعرية وقصصية" تثري الوجدان في معرض الفيوم للكتاب الكلية الفنية العسكرية توقع عقد إتفاق مع شركة الإنتاج الحربى للمشروعات والإستشارات الهندسية