رموش الست

إيمى عاطف

المقادير :

 

٢ كوب دقيق = ٢٥٠ جرام

 

نص كوب سميد = ۹۰ جرام

 

نص كوب سكر بودره ۸۰ جرام

 

نص كوب جوز هند = ٤٠ جرام

 

نص كوب زبده او سمنه = ۱۱۰ جرام

 

ربع كوب زيت = ٤٥ جرام۲ بیضه

 

معلقه صغيره بيكنج بودر

 

كيس فانيليا

 

الطريقه :

 

هننزل بالزيت والسمنه والسكر ونخلطهم كويس و بعدين نحط عليهم بيضه كامله و بياض بيضه و الفانليا و نخلطهم كويس جدااا و بعدين ننزل بالسميد وجوز الهند و البيكنج بودر و آخر حاجه الدقيق هنزل بيه مره واحده و هبدا المها و بلاش عجن كتير خالص اهم حاجه عشان متبقاش بسکویت و ناشفه مجرد ما تلم تبقي تمام و هتبقي عجينه طریه و مش بتلزق و بتتشكل بكل سهوله و بعدين نجيب صنيه ندهنها مسحه خفيفه جدا زيت و نبدأ نشكلها مدوره او الشكل اللي شبه العين المعروفه بيه ده و بعدين نعملها عليها بالشوكه كده خطوط و نكون مسخنين الفرن قبلها ب ه دقایق كده و ندخلها على درجه حراره ۱۸۰ لمده ۸ ل ۱۰ دقايق بالكتير اول لما تاخد لون من تحت اشغل الشوايه تاخد لون من فوق و اول لما تطلع انزل عليها بالشربات البارد و اسبها في الشربات اقل حاجه ربع ساعه و بعدين هتاكلو احلي رموش في الدنيا

 

مقادير السيرب او الشربات :

 

2 كوب سكر

 

2 كوب ماء

 

عصير ليمونه

 

الطريقه : بحط السكر و الميه واول لما يبدأ يغلي اعصر لیمونه و اسیبو دقيقه و اقفل عشان يبقي خفيف و نسيبو يبقي بارد خالص