بشاميل الفول (زجاجه الصوص الابيض او الطحينة)

إيمى عاطف

 

🔸 المكونات والمقادير :

 

٤ معلقة كبيرة دقيق

(هما بيضيفوه نى كده ، إحنا ممكن نديلوا تقليبتين على النار فى طاسة بدون مادة دهنية وبعدين نستعمله “كده هيكون آمن اكثر على الصحة”)

كوب ماء دافئ كبير

نصف كوب طحينة

فنجان زيت

نصف فنجان خل

عصير ليمونه

فص ثوم مهروس

ملعقه صغيره كمون

نصف ملعقه صغيره شطة حسب الرغبة

ملعقة صغيرة ملح

 

🔸 الطريقة :

 

فى إناء عميق أو زجاجة هنضيف كل المكونات دى على بعض ونخلطها كويس جدا لغاية ما نوصل للقوام المظبوط

 

دى الطريقة بتاعة العربية لكن الأفضل صحياً إننا نشوح الدقيق الأول على النار يسخن وبعدين نكمل باقى الخطوات.

نحتفظ بيها فى الثلاجة فى وعاء زجاجي (برطمان أو زجاجة) ونضيف منها عند الطلب ، صلاحيتها من أسبوع ل ١٠ أيام

 

ملحوظة :

الغرض من الدقيق هو إنهم يزودوا الكمية ويقللوا من إستهلاك الطحينة الخام ، لكن لو إحنا حابين نعمله فى بيتنا بالطحينة فقط طبعا هيكون افضل كتير وفى الحالة دى مقدار الطحينة هيكون ” كوب كامل ” وباقي المقادير ثابتة زى ما هى عادى.