البصاره
إيمى عاطف
رُبع كيلو فول مدشوش
بصله متوسطه
٤ فص ثوم
حزمه كبيره مليانه مشكله من الشبت والبقدونس والكسبره
٣ ورقات نعناع اخضر
فلفل حار
٢ فلفلايه رومي
ملح
كمون
فلفل اسمر
كزبره ناشفه
تقليه البصل 👇👇
بصله مقطعه شرايح رفيعه وصغيره
٢معلقه سمنه
٢معلقه زيت
معلقه ثوم مفروم
الطريقه👇👇
ناخد الفول المدشوش ونغسله لحد ماتكون الميه رايقه
ننقعه ف ميه ع الاقل ساعه
نصفيه وفي حله ونضيف عليه بصله متوسطه مقطعه ٤ اجزاء
حوالي ٤ ل ٥ فصوص ثوم
فلفل اخضر حار وممكن نستبدله بفلفلايه رومي او الاتنين مع بعض
ننزل بالخضره وورق النعناع
ونضيف ميه ساخنه تغطيها ونرفعها ع النار تغلي وتستوي لحد ماتتهري حبات الفول تماما
ولو شربت الميه وهي بتستوي ضيفوا شويه مياه بس ماتزودوش اوي عشان تكون مش خفيفه
نطفي عليها ونسيبها تبرد شويه ونخلطها ناعم جدا ف الخلاط او الهاند بلندر 👌
بعد ماتكون ناعمه جدا نرجعها ف حله ونرفعها ع النار ونقلبها ولو لقيناها محتاجه شويه مياه صغيرين عشان ماتكونش تقيله اوي ولا خفيفه خلوا بالكو
اول ماتغلي ضيفوا التوابل المكتوبه فوق 👆👆👆
واطفوا
ونعمل بقا الطشه الحلوه👌👌
في طاسه فيها سمنه او سمنه ع زيت وننزل بالبصل الشرايح ونشوحه لحد ماياخد لون دهبي وناخد منه شويه عشان نوزعه ع وش البصاره
ونضيف ع باقي البصل معلقه صغيره ثوم مفروم ونقلبهم يادوب الثوم يتشوح وريحته تطلع ننزل بيهم ع وش البصااااااره وياسيدي ع الجمال والحلاوه
قلبوهم بقا وقدموها وعلي وشها البصل المقرمش
وصحتين وهنا
اكتشاف المزيد من بوابة العاصمة
اشترك للحصول على أحدث التدوينات المرسلة إلى بريدك الإلكتروني.
