العاصمة

ماذا نفعل لو إبنك شرب كلور أو كلوريكس أو فنيك أو بوتاس أو صودا كاوية أو أى منظف في البيت؟

0

 

إيمان العادلى

 

ماذا نفعل بسرعه إلى ان نذهب لأقرب مستشفي أو مركز لعلاج السموم..

 

⚠️أولا : ممنوع‬ تماما تخليه يرجع غصب عنه .. يعنى ممنوع تشربه ماية بملح أو لبن ببيض أو تدوس على لسانه علشان يرجع او تديه فحم او تعمل له غسيل معده…

 

طيب ليه ؟!

علشان كده بنعرض المرىء والبلعوم والفم للمادة الكاويه دى تانى يعنى بنضره اكتر …

وكمان ممكن تدخل الماده الكاوية دى فى مجرى الهوا وتؤدى بعد ذلك الى إلتهاب رئوى شديد.. يعنى زى اللى جه يكحلها عماها☠..

 

⚠️ثانيا : شربه فنجان ‫‏لبن‬ وبس (بدون مياة).

 

طيب ليه لبن ؟! مينفعش مايه ؟!

مينفعش مياه علشان المواد الكاوية دى ممكن تكون حمض “acid” أو قلوى “alkaline” .. وممكن تتفاعل مع المياه داخل المعدة وينتج عن التفاعل ده حرارة عالية تزود المشكلة.. وتدمر انسجة المعده اكثر واكثر

 

وهما شوية اللبن الصغيرين دول هيعملوا ايه بقي ؟!

هيخففوا شوية من تركيز المادة إلى شربها .. ولو فيه حاجة واقفة فى فمه او البلعوم او المرئ هيحركوها للمعدة.

 

طيب ليه شوية صغيرين مش نصف كيلو لبن مثلا ؟!

علشان ما يحصلش قئ ..وقلنا قبل كده ان احداث قئ فى هذه الحالات خطيررررر جدا

 

⚠️ثالثا : هو ينفع نعادل الماده اللى شربها الطفل يعنى لو هو شارب حمض أديله قلوى أو العكس علشان أقلل مفعولها؟!

طبعا غلط لان هينتج عن ده تفاعل كيميائي وده هيسبب حرارة عالية تعمل تدمير للانسجة.. يعنى جه يكحلها برضوا عملها ..

 

⚠️رابعاً : نقل الطفل للهواء النقى علشان يقدر يتنفس ..

 

⚠️خامسا : لو المادة الكاويه وقعت على هدومة يقلعها ونغسل جسمه كويس ..

 

⚠️سادساً : لو المادة دى وقعت على عينةنغسلها كويس جدا بالمية? لمدة ربع ساعه

 

وبسرعه نجرى لأقرب مركز سموم لسرعة اتخاذ الاجراءات الطبيه الازمه للطفل حسب حالته وحسب مدى سمية الماده وحسب الكميه اللى اخذها وحسب المدة اللى اتأخر فيها..

 

وطبعا لازم تاخد معاك زجاجة المادة التى شرب منها الطفل….للتعرف على المادة وتحديد كيفية العلاج بسرعة…


اكتشاف المزيد من بوابة العاصمة

اشترك للحصول على أحدث التدوينات المرسلة إلى بريدك الإلكتروني.

اترك رد

يستخدم هذا الموقع ملفات تعريف الارتباط لتحسين تجربتك. سنفترض أنك موافق على ذلك ، ولكن يمكنك إلغاء الاشتراك إذا كنت ترغب في ذلك. قبول قراءة المزيد

آخر الأخبار
لقاء مع الدكتورة ولاء قطب، استشاري علم النفس الإكلينيكي ورئيس مجلس إدارة مؤسسة بنسلفانيا الدولية للد... اختتم مركز التدريب القضائي وبالتعاون مع نادي مستشاري النيابة الإدارية بدمنهور ورشة العمل حول "آليات ... مجمع إعلام جنوب سيناء يعقد ندوة حول العمل التطوعى وأهميته للشباب فى بناء المجتمع المزاد الدولي لمزارع إنتاج الصقور 2025 يختتم فعالياته بمبيعات تجاوزت 13 مليون ريال "عمر العوضي" يكتب : القانون في زمن التكنولوجيا يعتبر حارس المجتمع في عالم بلا حدود معرض السيارات في «لولو مول الفجيرة» يختتم فعالياته بنجاح لافت وإقبال جماهيري قياسي لتجنب جريمة النشر.. النيابة العامة تحث المواطنين بالإبلاغ عن المخالفات دون نشرها على السوشيال ميديا الحسن عادل يهيمن على صيف 2025.. "كوتي كوتي" يتصدر الترند ويزيح منافسة عمرو دياب وويجزز تفاصيل جديدة في واقعة تسميم 6 أطفال أشقاء ووالدهم بقرية دلجا.. الزوجة الثانية لديها خبرة بالتركيبات ... القومي للطفولة والأمومة يكرم الطفلة "هايدي" وينصبها سفيرة المجلس للرحمة