ممنون ياحب
شعر محمود صلاح
انا قلبي قلب كبير
جواه طفل صغير
نظرة تفرحه
وكلمة تجرحه
والورد عبيره بينطفى
والنوم يجافينا كتير
عاشق للحياة
دايب فى غناه
بيجرى فى الشوارع
بيلاعب حب المطر
بيرسم على الحيطان
قلبين بحب وخير
عايش زى الطيور
بيخلى العتمة نور
راقص ويا الزهور
بينهم زى العصافير
ممنون ياحب كتير
ممنون الف مرة
خليت قلبي الاسير
يدق الف دقة
ومليت الدنيا بهجة
ومسحت كل دمعة
ممنون ياحب كتير
اكتشاف المزيد من بوابة العاصمة
اشترك للحصول على أحدث التدوينات المرسلة إلى بريدك الإلكتروني.
