مالك يا قلم
كتب : خالد المنصوري /مصر
مالك يا قلم من الخوف بردان
مالك مرعوش بين الكفوف تعبان
خايف تكتب كل سطر حزين
ولا تبان بين السطور بهتان
مالك يا قلم والجرح ملاك
وقت ما تسكت يبقي هلاك
فين رموزك راحت فين
تسكت كل الدنيا محتلاك
مالك يا قلم والحبر ماليك
أصرخ قول ..أنا مستنيك
عبر حتى إن قولت أنين
كل مشاعري بتنبض بيك
مالك يا قلم مش عايز تتكلم
أوعى في يوم لألم تستسلم
ولو يوم شوفت الحق ضنين
أرفع راية الحق وعلم
مالك يا قلم من الخوف بردان
مالك مرعوش بين الكفوف تعبان
خايف تكتب كل سطر حزين
ولا تبان بين السطور بهتان
خالد المنصوري/مصر
23/1/2020
اكتشاف المزيد من بوابة العاصمة
اشترك للحصول على أحدث التدوينات المرسلة إلى بريدك الإلكتروني.
