نصائح العاصمة
إيمان العادلى
عايزه محشي وماله مفيش فراخ ولا لحمه اعمل شوربه مش مهم
هاتي الحله حطي ميه وبصل مبشور ملح وفلفل وطماطم مقطعه واحده كفايه وحطي قطعه زبده قد عين الجمل معندكيش،يبقي ملعقه سمن اي نوع ورقة لورى وفلفل وملح وفص حبهان. تغلي .. شربي بيها المحشي. .اعملي منها ملوخية. .اعملي منها صينية بطاطس
عايزه فول ومنقعتيش نسيتي هاتي الفول اغسليه نزليه في الميه لمده نص ساعة وغيري الميه وحطي جديد مع عدس. ومعلقة أرز وشوية فول مدشوش واعصري ليمونه هيفتح لونه خااالص. .ويغلي وطي الناااار خالص. . وبعد ساعة افتحي عليه وحطي ربع معلقة بيكينج بودر هيستوي بسرعة. .ولو هتزودي ميه تبقى ساخنة
الضيوف هجموا عليك ويدوبك خلصتوا الأكل. .لازم لازم يكون عندك نص كيلو بانيه عملاه صوابع استربس. وجاهز بالبيض والبقسماط. وجنب كيس مكرونة وبطاطس محمرة وسلطة
عايزه احلي سلطه بلدي زي المطاعم قطعي البصل وادعكيه وتبيله بالملح والفلفل والشطة وعليه باقي الاضافات وبدون تقليب وحطيه في التلاجه وقبل التقديم نص كوب ماء وليمونه ومعلقتين خل مع. بعض وبالهنا
عايزه قلقاس نظيف التخزين يتمسح جيدااا بعد التقشير وهو سليم هو السكين قبل التقطيع. ..
ولو هتعملية وعاوزة المزلقه تروح بسرعة. انقعيه في ميه سخنه 10 دقايق. . ويدعك بالخل. هتلاقي كل المزلقه راحت وبقى فله شمعة منورة وبعدين في الشوربه تسقطيه ومعاه ليمونه معصوره تمنع المزلقه وكملي بقي..
السلق قطفيه واغسليه هو والكزبرة.وسيبيهم ينشفوا وعلى طاسة فيها سمن كويس. .يتحمروا وهو داخل على التحمير نضيف التوم بالكزبرة الناشفة يحمروا ونضربة في الخلاط أو الكبة وتاخدي على اد الطبخة وشيلي الباقي في الفريزر. .للتخزين اعملي كمية كبيرة تعد معاكي لأي وقت. . توفير في الوقت والمجهود
لجمال الفراخ المشويه ليمونه معصوره وبشر قشرتها مع طماطميه وبصله وتبلي بالتوابل الملح والفلفل والكسبره زعتر وملعقه السكر . وكاتشب.. ولا صلصة للون .. وعلي الفرن ولو هتشيليها علشان تمسك في التتبيلة حطي معلقتين زيت وبعدين حطيها في التلاجه يوم. ولا شيليها في الفريزر لأي وقت
الجزر ضيفية مع البسله واطبخي احلي طبخه.بيسكرها
الملوخيه لما تعملي التقليه حوشي ربعها ني وحطيه علي الشوربه قبل ما تسقطي الملوخيه هتفرق جامد في الطعم
ملعقه سكر صغيرة مع ملعقه خل للمسقعه هتدعيللي.
أي خضار بالطماطم حطي معلقة سكر علشان الحموضة والحرقان
