العاصمة

معنداني ظروفي

0

كتب / فاطمة عبدالواسع

بتتحد عليا وتحاوطني بمشاكل .

تلاقيني مبسوطة تديني قلم .

وتقولي ماتفوقي هو انا ياخدك مني ونس .

إسكتي ودمعي مش هسيبك في يوم تفرحي .

وتضحكي وتسرحي هفكرك بيا يوم ماتفكري تهربي وتنسي إني محوطاكي.

وقال تحلمي وتبني في مسراكي .

ههدولك ع راسك ووأطفي أنوارك .

هو إنتي مفكرة نفسك أيه ممكن تعيشي وترتاحي.

هصدعك وهصدمك كل يوم بصدمة عشان تفرحي بعد المقابلة .

والله ده انا أكتر واحدة صادقة.

بقولك الصح وأنبهك قبل الصدمة.

يبقي أنا كدة غدارة ولا غلبانة و ولا خايفة ع الهبلة .

يالي بتضحكي بكلمة وتنخدعي بالنظرة .

كل يوم تكتبي في أشعار مرة طايرة ومرة فرحانة ما بتتعلميش من الناس الغدارة .

قولت ١٠٠ مرة هتقفلي بابك وتركزي في حالك وترتاحي بأمارة .

بأمارة كتاباتك في كل سطر عبرة وإشارة.

ماهو مش أنا الي بتعبك وأقتل فيكي كل مرة بشطارة.

أنا بس بنصحك وأقومك من غفلتك وأحذرك من السكاري .

عمر كلامهم ما يسد باب في وش ريح .

ولا أجسادهم المايلة تدافع عن ضعيف .

ماهو سكرهم مدوخهم وفهمهم قليل.

في وقت السكر لا بيعرفوا قيمة غالي ولا رخيص .

بيحدفوا الي في ايديهم ويلعبوا بالكتير .

العتب مش عليهم العتب الي فات عليه زيهم أصناف .

ولسة عنده أمل إنه بالصدق يتصادف.

فوقي من غفلتك وخليكي في الظاهر.

لاتسرحي ولا تتعبي ولا تفكري بكرة يحلها القادر .

وأنا عليا كل يوم أحاوطك بنفسي وأفهمك مين الغادر.


اكتشاف المزيد من بوابة العاصمة

اشترك للحصول على أحدث التدوينات المرسلة إلى بريدك الإلكتروني.

اترك رد

يستخدم هذا الموقع ملفات تعريف الارتباط لتحسين تجربتك. سنفترض أنك موافق على ذلك ، ولكن يمكنك إلغاء الاشتراك إذا كنت ترغب في ذلك. قبول قراءة المزيد

آخر الأخبار