اغنية ( عيش الحب )

بقلم / جراح بكير
أهدى حبيبي شوية
بلاش تزعل من كلمة
بلاش تزعل وتعاتب
من حاجة بسيطة تخاصم
وقوام تعملها قضية
أهدى حبيبي شوية

وأنا طيب اجري اصالح
وانسى كمان واسامح
لأني بحب مش فارق
انا غلطان او هيا
مقدرش اخاصمك ثانية

ويادوب يعدوا يومين
وتيجي تاني زعلان
تخاصم وانت الغلطان
وتعيد نفس القضية
أهدى حبيبي شوية

بلاش تتسرع في الأحكام
وبلاش تسمع للناس كلام
وتشمت فينا العزال
سيبك من قيل وقال
عمر الحب ما كان ازلال
الحب ثقة وتضحية
أهدى حبيبي شوية

أهدى وخف الغيرة حبة
الغيرة مطلوبة بس حبة
بلاش تخليها نار قايدة
تحرقك في حكاية وهمية
أهدى حبيبي شوية

أهدى حبيبي وعيش الحب
وانسى الخصام والاسية
الدنيا حلوة بالحب
تعالى تعالى نفرح شوية.
بقلمي / جراح بكير