من المشاكل المؤلمة لناس كتير لكن هل كل اللى عنده ألم فى ضهره يبقى عنده غضروف ؟؟
لذلك لابد من معرفة أسباب الام أسفل الظهر لان ليس كلهم بسبب الغضروف
1- الوزن الزايد و ده أهم سبب لالام أسفل الظهر.
2- ضعف عضلات الظهر والبطن خصوصا مع قلة الحركة و قلة ممارسة الرياضه.
3- النوم على مراتب غير صحية.
4- إنزلاق الغضروف .. وفى الحاله دى بيبقى مصاحب لألم أسفل الضهر ألم زى الكهربا او وجع الأسنان يمتد من أسفل الضهر و حتى القدم .
5- ضيق القناه العصبية .. والألم هنا بيزيد مع المشى والمريض بيحس كإن رجلة مكلبشه و بيخف الألم لما يقف يستريح شويه و يوطى لقدام.
6- تزحزح الفقرات .. يبقى فيه ألم فى الضهر و المريض بيكون اتخبط أو وقع على ضهره و ممكن يكون إتولد بيه و ممكن يحصل مع التقدم فى العمر.
7- التهاب المفصل مابين العمود الففري و الحوض .. و ده بيبقى وجع والم على جنب واحد او الجنبين من الظهر.
8- أورام العمود الفقرى والنخاع الشوكى و فى دى الألم بيبقى مستمر لفترة طويله وبيفضل أوقات كتير لا يستجيب للعلاج .
9- الكسور المرضية بالعمود الفقري .. المريض بيحس بألم حاد مفاجىء فى الضهر نتيجة الهشاشة العظام.
10 – إلتهاب العضاريف.. و هنا شكل الوجع بيبقى لايحتمل و المريض مبيستحملش حد يلمس ضهره.
11- ألام فى العصعص . ألم حاد فى أسفل الظهر بيزيد لما ييجى المريض يقعد أو يقف.
يوجد أسباب كثيرة أخرى لكن هذه أشهر أسباب الام أسفل الضهر ..
لذلك لابد من العرض على دكتور جراحة مخ وأعصاب لمعرفة السبب بالفحص الإكلينيكى والأشعات اللازمة لتحديد خطة العلاج.
التعليقات مغلقة.