خاطرة ..بقلم ….هناء محمد (رسالةٌ للبناتِ).

بقلم .هناءمحمد

الرومانسية مش.

أفلام هندية.
و مسلسلات تركية.

ولا حبة آهات.
مسك إيدين و عتاب.

ولا شوية كلام.
الرومانسية احتواء.

قاعدتها الأخلاق.
حد يفهم نظرة عينيكِ.

قبل ما تبوحي بكلام.
يعني خوف.

يعني غيرة.
يعني تقدير و احترام.

يعني مشوار طويل.
مع بعض نكمله.

نهايته أحلى من أوله.
كل يوم يعدي عليكم

يزيد عسل مش ينقصه.
الحنان بين إيديه.

حضن دافي أمانكِ فيه.
واحد يعرف يسمعكِ.

مش دايمًا يهمشكِ.
و للنجاح يدفعكِ.

يعرف اللي بتحبي و يشجعكِ.
الجواز مش اتنين متشابهين.

و لا على طول متفقين.
الجواز اتنين.

جنب بعض مسنودين.
أي ميل بالحبِّ نعدِله… نقومه.

ساعتها بس هتحبيه.
و اللي يطلبه هتلبيه.

اختاري صح أوعى تستعجلي.
أنتِ و هو اقرأوا… اتعلموا.

عن فن إدارة الزواج.
تدوم السعادة و تزداد.